IPL 2023: వీడియో ఇదిగో, ధోని గురించి డైలాగులతో దుమ్మురేపిన బాలయ్య, 15 ఏళ్ల కిందట ఓ సూర్యుడు అంటూ.. ప్రత్యేక ప్రోమో విడుదల చేసిన స్టార్ స్పోర్ట్స్ తెలుగు

స్టార్ స్పోర్ట్స్ తెలుగు ఈ రోజు ప్రత్యేక ప్రోమో విడుదల చేసింది. టాలీవుడ్ అగ్రహీరో నందమూరి బాలకృష్ణ చెన్నై సూపర్ కింగ్స్ సారథి మహేంద్ర సింగ్ ధోనీ విశిష్టతలను వివరించడం ఈ వీడియోలో చూడొచ్చు. వీడియోలో..15 ఏళ్ల కిందట ఓ సూర్యుడు పసుపు రంగు జెర్సీ ధరించి మనందరి జీవితాల్లో ఉదయించాడు.

ఐపీఎల్‌‌లో స్టన్నింగ్ క్యాచ్ వీడియో ఇదిగో, బౌల్డ్‌ వేసిన ఔట్‌ స్వింగర్‌ను గెలుక్కున్న రాహుల్‌ త్రిపాఠి, ఎడమవైపుకు డైవ్‌ చేస్తూ ఒంటిచేత్తో అందుకున్న జేసన్‌ హోల్డర్‌

ఆ నెం.7 జెర్సీతో మనం కనెక్ట్ అయినప్పుడు జట్టులోకే కాదు నేరుగా మన గుండెల్లోకే ప్రవేశించాడు. అతడి టాలెంట్ వల్ల బెస్టాఫ్ ద బెస్ట్ కూడా అతడిని ఓడించలేకపోయింది. అతడు వికెట్ల వెనుక... మనం టీవీ సెట్ల ముందు... అలా ఆటను నడిపించాడు. కొందరికి మహి... కొందరికి కెప్టెన్ కూల్. ఆ తర్వాత 'తాలా' అయ్యాడు.

Here's Video

గెలిపించిన వాడు, ఏడ్పించిన వాడు, నవ్వించిన వాడు... కానీ ఓటమిని అంగీకరించడం మాత్రం నేర్పలేదు.. మనమే కాదు, ప్రత్యర్థులు కూడా అభిమానించే ఆటగాడు.... ఇవీ ఆయన గురించి కొన్ని అద్భుత క్షణాలు! ఇలాంటి అద్భుత క్షణాలను లెక్కలేనన్ని అందించినందుకు ధన్యవాదాలు తాలా... ఎల్లప్పుడూ 7" అంటూ బాలయ్య తనదైన శైలిలో ప్రోమోను రక్తి కట్టించారు.