Andhra Pradesh: బాబాయి చెవి ఊడేలా కొరికిన అబ్బాయ్! కుటుంబ తగాదాల్లో విచక్షణారహితంగా దాడి, చెవి కొరకడంతో సగం ఊడి వచ్చిన చెవి, సగం చెవితో ఆస్పత్రికి పరుగులు పెట్టిన వ్యక్తి
ఓ బాలుడు తన బాబాయి చెవిని కొరికేశాడు. అది మామూలుగా కూడా కాదు, పంటిగాట్లు పడేట్లు కూడా కాదు, ఏకంగా చెవి ఊడిపోయి ఇవతలకు వచ్చేసింది. బాపట్ల జిల్లా (Bpatla) కొల్లూరు గ్రామంలో ఒక కుటుంబంలో తల్లికి చిన్నకొడుక్కి మధ్య మొదలైన వాగ్వాదం పెద్ద గొడవకు దారితీసింది. ఈ విషయాన్ని ఆమె తన పెద్ద కొడుక్కి చెప్పింది
Baptla, July 31: కుటుంబ తగాదాల్లో తలలు పగులగొట్టుకోవడం తెలుసు. కాళ్లు, చేతులు విరగ్గొట్టుకోవడం తెలుసు. కానీ ఆంధ్రప్రదేశ్‌లోని బాపట్లలో కుటుంబ తగాదాల్లో ఒకరిపై ఒకరు దాడి చేసుకున్న సభ్యులు విచక్షణారహితంగా కొట్టుకున్నారు. ఈ క్రమంలో ఓ బాలుడు తన బాబాయి చెవిని కొరికేశాడు. అది మామూలుగా కూడా కాదు, పంటిగాట్లు పడేట్లు కూడా కాదు, ఏకంగా చెవి ఊడిపోయి ఇవతలకు వచ్చేసింది. బాపట్ల జిల్లా (Bpatla) కొల్లూరు గ్రామంలో ఒక కుటుంబంలో తల్లికి చిన్నకొడుక్కి మధ్య మొదలైన వాగ్వాదం పెద్ద గొడవకు దారితీసింది. ఈ విషయాన్ని ఆమె తన పెద్ద కొడుక్కి చెప్పింది. దీంతో అన్న వచ్చి తల్లితో గొడవపడిన విషయమై తమ్ముడిని మందలించాడు. అది భరించలేని తమ్ముడు కోపంతో ఊగిపోతూ అన్నను కొట్టాడు.
ఈ క్రమంలో ఇంట్లో అందరూ కలిసి వారిద్దరూ కొట్టుకోకుండా ఆపేందుకు చిన్న కొడుకును గట్టిగా పట్టుకున్నారు. ఇంతలో అన్న కొడుకు వచ్చి బాబాయ్ (uncle)చెవి కొరికాడు. అలా కొరికే క్రమంలో చెవి శరీరం నుంచి విడిపోయి బయటకు వచ్చేసింది. దీంతో లబోదిబోమంటూ ఇంట్లోని కుటుంబ సభ్యులందరూ ఊడిపడిన సగం చెవితో ఆ వ్యక్తిని తెనాలిలోని ప్రైవేట్ ఆస్పత్రికి తీసుకువెళ్లారు.
అక్కడ వైద్యులు ప్రాధమిక చికిత్స చేసిన అనంతరం బాధితుడిని గుంటూరు ప్రభుత్వ వైద్యశాలకు తరలించారు. ఈఘటనకు సంబంధించి పోలీసులు కేసు నమోదు చేసుకుని దర్యాప్తు చేస్తున్నారు.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)