East Godavari Shocker: తూర్పుగోదావరి జిల్లాలో దారుణం, ఇంటి పక్క సందులో యువతిపై అత్యాచార యత్నం, ప్రతిఘటించడంతో దాడి చేసిన కామాంధుడు, ఆస్పత్రిలో బాధితురాలు, కేసు నమోదు చేసిన పోలీసులు
కామంతో కళ్లు మూసుకుపోయిన ఓ కామాంధుడు యువతిపై లైంగిక దాడికి (Young Man Try To Rape Young girl) ప్రయత్నం చేశాడు. యువతి ప్రతిఘటించడంతో ఆమెను గాయపరిచాడు.
Karapa, july 18: ఏపీలో తూర్పుగోదావరి జిల్లాలో దారుణం చోటు చేసుకుంది. కామంతో కళ్లు మూసుకుపోయిన ఓ కామాంధుడు యువతిపై లైంగిక దాడికి (Young Man Try To Rape Young girl) ప్రయత్నం చేశాడు. యువతి ప్రతిఘటించడంతో ఆమెను గాయపరిచాడు. ఈ దారుణ ఘటన జిల్లాలోని కరప మండలం (East Godavari Karapa) వేళంగిలో చోటుచేసుకుంది
కరప ఎస్సై డి.రమేష్‌బాబు, స్థానికుల కథనం ప్రకారం.. వేళంగికి చెందిన యువతి ఇంటర్మీడియెట్‌ చదివి తల్లిదండ్రులతో కలిసి ఫ్యాన్సీ షాపు నిర్వహిస్తోంది. ఈ నెల 13 రాత్రి ఆమె ఇంటి పక్కనే ఉంటున్న విత్తనాల రమేష్‌ అనే యువకుడు తన మొబైల్‌ ఫోన్‌ నుంచి ఆమెకు పుట్టిన రోజు శుభాకాంక్షలు తెలిపాడు. దీనికి కృతజ్ఞతలు తెలిపిన ఆ యువతి.. కొద్దిసేపటికి రూ.2 వేలు అప్పుగా ఇస్తే, నాలుగు రోజుల్లో ఇచ్చేస్తానని అడిగింది.
అయితే ఇదే అదునుగా భావించిన ఆ యువకుడు నగదు ఇస్తానని ఇంటి పక్కన ఉన్న సందులోకి ఆమెను రమ్మ న్నాడు. తెలిసిన వ్యక్తే కదా అని డబ్బుల కోసం అక్కడకు వెళ్లగా అతడు ఆ యువతిపై లైంగిక దాడికి ప్రయత్నించాడు. ప్రతిఘటించడంతో ఆగ్రహించిన రమేష్‌.. ఆ యువతి గొంతు పట్టుకుని గోడకు గుద్దాడు. అంతే కాకుండా విచక్షణా రహితంగా కొట్టి గాయపర్చాడు. భయపడిన ఆ యువతి కేకలు వేయడంతో ఆమె గొంతు, ఎడమ చేతిని కొరికి గాయపరిచాడు.
ఈ విషయాన్ని తల్లిదండ్రులకు, బంధువులకు బాధితురాలు తెలిపింది. ఆమెను కాకినాడ ప్రభుత్వాసుపత్రికి తరలించారు. ఈ ఘటనలో బాధితురాలి కుడి కన్ను పూర్తిగా దెబ్బతింది. అపస్మారక స్థితిలో చికిత్స పొందుతోంది. బాధితురాలి ఫిర్యాదు మేరకు నిందితుడిపై నిర్భయ చట్టం, ఇతర సెక్షన్లతో కేసు నమోదు చేసి, దర్యాప్తు చేస్తున్నట్టు ఎస్సై రమేష్‌బాబు వివరించారు.