Hyderabad Shocker: ఒత్తైన జుట్టుతో భర్తకు అందంగా కనపడాలనుకున్న భార్య.. బ్యూటీ పార్లర్ కు పయనం.. చివరకు బట్టతలగా దర్శనం.. కాపురానికే ఎసరు.. హైదరాబాద్‌లో వెలుగు చూసిన ఘటన.. అసలేం జరిగింది??
కొండనాలుకకి మందేస్తే ఉన్న నాలుక ఊడిన చందాన.. ఒత్తైన జుట్టు కోసం ఆశపడిన ఓ వివాహితకు చేదు అనుభవం మిగిలింది. బ్యూటీ పార్లర్ నిర్వాహకులు మిడిమిడి జ్ఞానంతో చేసిన పనికి అప్పటిదాకా ఉన్న జుట్టు కూడా రాలిపోయి బట్టతల మిగిలింది.
Hyderabad, Aug 4: కొండనాలుకకి మందేస్తే ఉన్న నాలుక ఊడిన చందాన.. ఒత్తైన జుట్టు కోసం (Hair) ఆశపడిన ఓ వివాహితకు చేదు అనుభవం మిగిలింది. బ్యూటీ పార్లర్ (Beauty Parlor) నిర్వాహకులు మిడిమిడి జ్ఞానంతో చేసిన పనికి అప్పటిదాకా ఉన్న జుట్టు కూడా రాలిపోయి బట్టతల (Bald Head) మిగిలింది. పుండు మీద కారం చల్లినట్టు.. అనవసరంగా జుట్టు కోల్పోయి అందవికారంగా మారిన ఆ మహిళను భర్త కూడా పుట్టింటికి పంపించేశాడు. అసలేం జరిగిందంటే.. హైదరాబాద్‌లోని జగదీశ్ మార్కెట్ సమీపంలో నివసించే ఓ మహిళ భర్తకు అందంగా కనిపించడం కోసం మరింత ఒత్తైన జుట్టు కావాలన్న ఆశతో స్థానికంగా ఉన్న క్వీన్జ్ బ్యూటీ పార్లర్ అండ్ సెలూన్ వారిని సంప్రదించింది. మహిళ చెప్పిందంతా విన్న పార్లర్ సిబ్బంది ఒత్తైన జుట్టుకోసం తమదైన ట్రీట్‌మెంట్ చేశారు. దీంతో ఆమెకు భారీగా వెంట్రుకలు ఊడిపోయాయి. కంగారు పడిపోయిన మహిళ బ్యూటీపార్లర్ వారిని ఫోన్లో సంప్రదిస్తే సమస్యను ఉచితంగా పరిష్కరిస్తామని వారు హామీ ఇచ్చారు. మహిళకు రకరకాల నూనెలు, షాంపూలు ఇచ్చి వాడమన్నారు. తాము చెప్పినట్టు చేయగానే నెత్తిపై జుట్టుపోయి ఏకంగా బట్టతల తయారైంది.
కోపంతో ఊగిపోయిన భర్త
భార్య బట్టతల చూసి కోపంతో ఊగిపోయిన భర్త ఆమెను పుట్టింటికి పంపించేశాడు. దీంతో బాధితురాలు చివరకు పోలీసులకు ఫిర్యాదు చేసింది. అయితే, కోర్టు అనుమతి తీసుకున్నాకే మహిళ ఫిర్యాదుపై కేసు నమోదు చేస్తామని పోలీసులు తెలిపారు.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)