Google New Policy: జీమెయిల్‌ అకౌంట్ ఉందా! వెంట‌నే ఈ ప‌నిచేయ‌క‌పోతే మెయిల్ పూర్తిగా ప‌నిచేయ‌కుండా పోతుంది, సెప్టెంబర్ 20 లాస్ట్ డేట్
ప్రపంచవ్యాప్తంగా 1.5 బిలియన్ల మంది జనం జీమెయిల్‌ని (Gmail) వినియోగిస్తున్నారు. పెరిగిన స్మార్ట్‌ ఫోన్ల వినియోగం నేపథ్యంలో జీమెయిల్‌ కూడా తప్పనిసరిగా మారింది. విద్యార్థుల నుంచి బడా వ్యాపారవేత్తలకు తప్పనిసరిగా జీమెయిల్‌ అకౌంట్ ఉన్నది.
New Delhi, SEP 19: జీమెయిల్‌ గురించి ప్రత్యేకంగా చెప్పాల్సిన అవసరం లేదు. ప్రపంచవ్యాప్తంగా 1.5 బిలియన్ల మంది జనం జీమెయిల్‌ని (Gmail) వినియోగిస్తున్నారు. పెరిగిన స్మార్ట్‌ ఫోన్ల వినియోగం నేపథ్యంలో జీమెయిల్‌ కూడా తప్పనిసరిగా మారింది. విద్యార్థుల నుంచి బడా వ్యాపారవేత్తలకు తప్పనిసరిగా జీమెయిల్‌ అకౌంట్ ఉన్నది. అయితే, గూగుల్‌ కీలక నిర్ణయం తీసుకున్నది. ఈ నేపథ్యంలో లక్షల సంఖ్యల్లో జీమెయిల్‌ అకౌంట్స్‌ను (Gmail Accounts) డిలీట్‌ చేయబోతున్నది. వాస్తవానికి జీమెయిల్‌ వినియోగించే వారి సంఖ్య రోజురోజుకు పెరుగుతూ వస్తున్నది. చాలామంది ఏదో అవసరం కోసం జీమెయిల్‌ అకౌంట్‌ని తెరుస్తుంటారు. ఆ తర్వాత మరిచిపోతుంటారు. మళ్లీ అవసరం కోసం మళ్లీ కొత్త అకౌంట్‌ని క్రియేటర్‌ చేస్తుంటారు. మరికొందరు ఏదైనా అవసరం వచ్చిన సందర్భంల్లో వాడుతూ మళ్లీ.. దాని గురించి పట్టించుకోరు. దాంతో ఆయా అకౌంట్స్‌ అన్నీ ఇన్‌యాక్టివ్‌గా (Inactive Gmail) మారుతుంటాయి.
ఈ ఇన్‌యాక్టివ్‌ మెయిల్స్‌ కారణంగా సర్వర్లపై భారపడుతున్నది. ఈ నేపథ్యంలో ఇన్‌యాక్టివ్‌గా ఉన్న అకౌంట్స్‌ని తొలగించాలని గతంలో నిర్ణయించింది. గడువును సెప్టెంబర్ 20 వరకు ఇచ్చింది. ఈలోగా అవసరం ఉన్న మెయిల్స్‌ని యాక్టివ్‌గా చేసుకోవాలని.. లేకపోతే డిలీట్‌ చేయనున్నట్లు తెలిపింది. యాక్టివ్‌ చేసుకునేందుకు గడువు విధించిన తేదీలోగా మెయిల్ లాగిన్‌ చేసి వచ్చిన మెయిల్స్‌ని చదవడం.. ఎవరికో ఒకరికి మెయిల్ చేసినా సరిపోతుంది. లేకపోతే ఆటోమేటిక్‌గా జీమెయిల్‌ డిలీట్‌ అవుతుంది. లేకపోతే జీమెయిల్‌ అకౌంట్‌తో లింక్‌ అయిన యూట్యూబ్‌లో వీడియోలు చూసినా సరిపోతుంది. లేకుంటే ఏదైనా ఫొటోను మరొకరికి సెండ్‌ చేసిన మెయిల్ యాక్టివ్‌లోకి వస్తుంది. మెయిల్ అకౌంట్‌ని డిలీట్‌ చేస్తే.. ఫొటోస్‌ ఇలా ఏదైనా లింక్‌ అయిన ఉన్నా అన్నీ డిలీట్‌ అయ్యేందుకు ఛాన్స్‌ ఉంటుంది. తప్పనిసరిగా మెయిల్ అవసరమైన సందర్భంలో యాక్టివ్‌ చేసుకోవడం మంచిది. లేకపోతే ఆ తర్వాత ఇబ్బందిపడాల్సి వస్తుంది.