Do Not Use Chinese Phones: భారత సైనికులు చైనా ఫోన్లు వాడవద్దు, రక్షణ ఇంటెలిజెన్స్ ఏజెన్సీ హెచ్చరిక, చైనా సీసీ కెమెరాలను దేశంలో నిషేధించాలని అరుణాచల్ ఎమ్మెల్యే ఐరింగ్ డిమాండ్
వాస్తవ నియంత్రణ రేఖ (ఎల్ఎసి)పై చైనాతో కొనసాగుతున్న సైనిక ప్రతిష్టంభన మధ్య రక్షణ ఇంటెలిజెన్స్ ఏజెన్సీలు భారీ హెచ్చరిక జారీ చేశాయి.సైనికులు చైనీస్ మొబైల్ ఫోన్లను ఉపయోగించకుండా చూసుకోవాలని ఏజెన్సీలు సూచించాయి.
New Delhi, Mar 8: వాస్తవ నియంత్రణ రేఖ (ఎల్ఎసి)పై చైనాతో కొనసాగుతున్న సైనిక ప్రతిష్టంభన మధ్య రక్షణ ఇంటెలిజెన్స్ ఏజెన్సీలు భారీ హెచ్చరిక జారీ చేశాయి.సైనికులు చైనీస్ మొబైల్ ఫోన్లను ఉపయోగించకుండా చూసుకోవాలని ఏజెన్సీలు సూచించాయి. డిఫెన్స్ ఇంటెలిజెన్స్ ఏజెన్సీలు జారీ చేసిన సలహా ఇలా పేర్కొంది, “వివిధ రూపాలు, ఛానెల్ల ద్వారా, అటువంటి (చైనీస్) మొబైల్ ఫోన్ పరికరాల పట్ల జాగ్రత్తలు తీసుకోవడానికి మీ సిబ్బందికి అవగాహన కల్పించాలి.
శత్రు దేశాలకు చెందిన ఫోన్లలో (చైనా) అక్రమంగా మాల్వేర్, స్పైవేర్ (సమాచారాన్ని దొంగిలించే వైరస్, సాఫ్ట్వేర్) జొప్పించినట్టు తమకు తెలిసిందని నిఘా సంస్థలు పేర్కొన్నాయి. గతంలో ఇలాంటి సందేహాస్పద అప్లికేషన్లను సైన్యం ఫోన్ల నుంచి తొలగించారు. గతంలో రక్షణ దళాలు కూడా చైనా ఫోన్లను వాడటం మానేశాయి.భారతీయ మార్కెట్లో అందుబాటులో ఉన్న చైనీస్ మొబైల్ ఫోన్లలో Vivo, Oppo, Xiaomi, One Plus, Honor, Realme, ZTE, Gionee, Asus, Infinix ఉన్నాయి.
ఇంతకు ముందు కూడా, చైనీస్ మొబైల్ ఫోన్ అప్లికేషన్లకు వ్యతిరేకంగా గూఢచారి ఏజెన్సీలు చాలా చురుకుగా ఉన్నాయి. సైనిక సిబ్బంది ఫోన్ల నుంచి కూడా ఇలాంటి అనుమానాస్పద అప్లికేషన్లు చాలా తొలగించబడ్డాయి. ఇది మాత్రమే కాదు, రక్షణ దళాలు తమ పరికరాల్లో చైనీస్ మొబైల్ ఫోన్లు, అప్లికేషన్లను ఉపయోగించడం కూడా నిలిపివేసాయి. ఇప్పుడు సైనిక సిబ్బంది కుటుంబ సభ్యుల మొబైల్ ఫోన్ల విషయంలో అప్రమత్తంగా ఉండాలని నిఘా సంస్థలకు సూచించింది. మార్చి 2020 నుండి సరిహద్దులో భారత్, చైనా సైనిక ప్రతిష్టంభనలో నిమగ్నమై ఉన్న విషయం తెలిసిందే. తూర్పు లడఖ్ నుండి అరుణాచల్ ప్రదేశ్ వరకు LAC పై పెద్ద సంఖ్యలో సైనికులు పరస్పరం మోహరించారు.
మరోవైపు చైనా తయారు చేసిన సీసీ కెమెరాలను దేశంలో నిషేధించాలని అరుణాచల్ ప్రదేశ్ కాంగ్రెస్ ఎమ్మెల్యే నినాంగ్ ఐరింగ్ ప్రధాని నరేంద్ర మోదీకి విజ్ఞప్తి చేశారు. ఈ మేరకు పాసిఘాట్ పశ్చిమ ఎమ్మెల్యే ఎరింగ్ ప్రధాని మోదీకి లేఖ రాశారు. ఇళ్లలో చైనీస్ సీసీ కెమెరాలు వాడకుండా ప్రజల్లో అవగాహన కల్పించేందుకు ప్రచారం ప్రారంభించాలని ఈ లేఖలో సూచించారు. సిసిటివి డేటాను అవసరాన్ని బట్టి సురక్షితంగా ఉంచడానికి స్వదేశీ క్లౌడ్ ఆధారిత సర్వర్లను ప్రవేశపెట్టడాన్ని ప్రభుత్వం పరిగణించవచ్చని ఎమ్మెల్యే అన్నారు. మీడియా నివేదికలను ఉటంకిస్తూ, దేశంలో ఉపయోగిస్తున్న చైనా తయారీ సిసిటివి కెమెరాలను బీజింగ్ 'కళ్లు, చెవులు'గా ఉపయోగించవచ్చని శాసనసభ్యుడు అన్నారు.