Samantha: మయోసైటిస్‌ అనే వింత వ్యాధితో బాధపడుతున్న సమంత, ఇన్ స్టాగ్రాం పోస్టు ద్వారా వెల్లడి
టాలీవుడ్‌ స్టార్‌ హీరోయిన్‌ సమంత.. మయోసైటిస్‌ అనే వ్యాధితో బాధపడుతున్నట్లు వెల్లడించారు. కొంత కాలంగా చికిత్స తీసుకుంటున్నట్లు చెప్పారు. ఇన్‌స్టాగ్రామ్‌లో పోస్టు పెట్టారు. గత కొన్ని నెలల నుంచి మయోసైటిస్‌ అనే ఆటో ఇమ్యూనిటీ కండిషన్‌కు చికిత్స తీసుకుంటున్నా. ఇప్పుడు నా ఆరోగ్యం నిలకడగా ఉంది. ఇప్పుడిప్పుడే కోలుకుంటున్నా. అయితే, నేను అనుకున్న దానికంటే కాస్త ఎక్కువ సమయమే పట్టే అవకాశం ఉంది. మనం అన్ని సార్లూ స్ట్రాంగ్‌గా ముందుకు వెళ్లలేమని అర్థమైంది. ప్రతిదీ స్వీకరిస్తూనే నా పోరాటం కొనసాగిస్తా. త్వరలోనే దీని నుంచి పూర్తిగా కోలుకుంటానని వైద్యులు నమ్మకంతో ఉన్నారు. నా జీవితంలో అటు మానసికంగా, ఇటు శారీరకంగా మంచి, చెడు రోజులను చూశాను. నేను పూర్తిగా కోలకునే రోజు అతి దగ్గర్లోనే ఉంది. ఐ లవ్‌ యూ’ అంటూ రాసుకొచ్చారు.