Heroin Seized: షాకింగ్ వీడియో, సూట్‌కేసులోని రహస్య పొరలో రూ.69.95 కోట్ల హెరాయిన్‌ స్మగ్లింగ్, నిందితుడిని అరెస్ట్ చేసిన ఢిల్లీ ఎయిర్‌పోర్టు అధికారులు

ఢిల్లీలోని ఇందిరాగాంధీ ఇంటర్నేషనల్‌ ఎయిర్‌పోర్టులో హెరాయిన్‌ను అక్రమంగా తరలిస్తూ ఓ వ్యక్తి పట్టుబడ్డాడు.బెల్జియం జాతీయుడైన ఓ ప్రయాణికుడు.. జోహన్నెస్‌బర్గ్‌ నుంచి ధోహా మీదుగా ఢిల్లీకి వచ్చాడు. ఎయిర్‌పోర్టులో అతని తీరును అనుమానించిన కస్టమ్స్‌ అధికారులు తనిఖీ చేయగా ఏకంగా 9 కిలోల హెరాయిన్‌ లభించింది. దాని విలువ రూ.69.95 కోట్లు ఉంటుందని తెలిపారు. అధికారుల కళ్లుగప్పడం కోసం నిందితుడు తెలివిగా సూట్‌కేసులోని రహస్య పొరలో హెరాయిన్‌ను సీల్‌ చేశాడు. అయినా కస్టమ్స్‌ అధికారులు దాన్ని కనిపెట్టి నిందితుడిని పట్టుకున్నారు.