Farmers Protest: ఫిబ్ర‌వ‌రి 13న రైతు సంఘాలు ఛలో ఢిల్లీ కార్యక్రమం, నేటి నుంచి దేశ రాజధానిలో 144 సెక్ష‌న్ విధింపు, పెట్రోల్ క్యాన్లు, సోడా బాటిళ్ల‌పైన కూడా నిషేధం
దేశ‌వ్యాప్తంగా 200 రైతు సంఘాలు, సుమారు 20వేల మంది రైతులు ఢిల్లీపై దండ‌యాత్ర చేయ‌నున్నారు. ఈ నేప‌థ్యంలో ఢిల్లీలో సెక్ష‌న్ 144వ సెక్ష‌న్ విధించిన‌ట్లు పోలీసు క‌మీష‌న‌ర్ సంజ‌య్ అరోరా తెలిపారు.
క‌నీస మ‌ద్ద‌తు ధ‌ర‌పై చ‌ట్టాన్ని రూపొందించాల‌ని కోరుతూ రైతులు ఛలో ఢిల్లీ(Delhi March) కార్య‌క్ర‌మాన్ని చేప‌ట్టిన విష‌యం తెలిసిందే. ఫిబ్ర‌వ‌రి 13వ తేదీన రైతు సంఘాలు ఛలో ఢిల్లీ కార్య‌క్ర‌మాన్ని నిర్వ‌హించ‌నున్నాయి. దేశ‌వ్యాప్తంగా 200 రైతు సంఘాలు, సుమారు 20వేల మంది రైతులు ఢిల్లీపై దండ‌యాత్ర చేయ‌నున్నారు. ఈ నేప‌థ్యంలో ఢిల్లీలో సెక్ష‌న్ 144వ సెక్ష‌న్ విధించిన‌ట్లు పోలీసు క‌మీష‌న‌ర్ సంజ‌య్ అరోరా తెలిపారు.
ఎక్కువ సంఖ్య‌లో జ‌నం గుమ్మికూడ‌రాదు అని పోలీసు ఆఫీస‌ర్ ఆరోరా తెలిపారు. క‌మీష‌న‌ర్ సంజ‌య్ అరోరా ఇచ్చిన ఆదేశాల్లో ట్రాక్ట‌ర్ల‌పై కూడా నిషేధం విధించారు.పెట్రోల్ క్యాన్లు, సోడా బాటిళ్ల‌పైన కూడా నిషేధం విధించారు. ఎవ‌రైనా ఆదేశాల‌ను ఉల్లంఘిస్తే, వారిని అరెస్టు చేయ‌నున్న‌ట్లు తెలిపారు. సింగు, ఘాజిపుర్, టిక్రి బోర్డ‌ర్ల వ‌ద్ద ట్రాఫిక్ ఆంక్ష‌ల‌ను విధించారు. న‌గ‌రానికి అన్ని వైపుల ఉన్న బోర్డర్‌ల‌ను క‌ట్టుదిట్టం చేశారు.
Here's PTI News