Greater Noida Lift Collapse: నోయిడాలో ఘోర ప్రమాదం, నిర్మాణంలో ఉన్న భవనంలో కుప్పకూలిన లిఫ్ట్, నలుగురు అక్కడికక్కడే మృతి

ఉత్తరప్రదేశ్‌లోని గ్రేటర్ నోయిడాలోఘోర ప్రమాదం చోటు చేసుకుంది. నిర్మాణంలో ఉన్న భవనంలోని లిఫ్ట్ కుప్పకూలి నలుగురు వ్యక్తులు మరణించారు. నివేదికల ప్రకారం, ఈ సంఘటన నిర్మాణంలో ఉన్న భవనంలో జరిగింది. మృతులంతా భవన నిర్మాణ కార్మికులే.

బిస్రఖ్ పోలీస్ స్టేషన్ పరిధిలోని గౌర్ సిటీ (Gaur City )లో శుక్రవారం ఉదయం ఈ ఘటన చోటు చేసుకుంది. ఆమ్రపాలి డ్రీమ్ వ్యాలీ ప్రాజెక్ట్‌లో నిర్మాణం జరుగుతున్న ప్రదేశంలో లిఫ్ట్‌ కూలడంతో  కార్మికులు అక్కడికక్కడే మృతి చెందారు. ఈ ఘటనలో పలువురికి గాయాలయ్యాయి. ప్రమాద సమాచారం అందుకున్న వెంటనే పోలీసులు సంఘటనా స్థలానికి చేరుకుని సహాయక చర్యలు చేపట్టారు. క్షతగాత్రులను చికిత్స నిమిత్తం సమీపంలోని ఆసుపత్రికి తరలించారు. ఈ మేరకు ఘటనపై కేసు నమోదు చేసి దర్యాప్తు చేపట్టారు. ఘటనపై మరిన్ని వివరాలు తెలియాల్సి ఉంది.

Here's Videos