Kerala: పోలీస్ స్టేషన్లో కాంగ్రెస్ నేతను చితకబాదుతున్న పోలీసులు, షాకింగ్ వీడియోని షేర్ చేసిన శశి థరూర్, ఘటనపై చర్యలు తీసుకోవాలని డిమాండ్..
కాంగ్రెస్ సీనియర్ నాయకుడు శశి థరూర్ ఈ రోజు (సెప్టెంబర్ 4) సోషల్ మీడియాలో ఒక CCTV వీడియోను పంచుకున్నారు. ఈ వీడియోలో కేరళలోని కున్నంకుళం పోలీస్ స్టేషన్లో యువజన కాంగ్రెస్ నేత వి.ఎస్. సుజిత్పై పోలీసులు కస్టడీలో దాడి చేస్తున్న దృశ్యాలు కనిపిస్తున్నాయి
కాంగ్రెస్ సీనియర్ నాయకుడు శశి థరూర్ ఈ రోజు (సెప్టెంబర్ 4) సోషల్ మీడియాలో ఒక CCTV వీడియోను పంచుకున్నారు. ఈ వీడియోలో కేరళలోని కున్నంకుళం పోలీస్ స్టేషన్లో యువజన కాంగ్రెస్ నేత వి.ఎస్. సుజిత్పై పోలీసులు కస్టడీలో దాడి చేస్తున్న దృశ్యాలు కనిపిస్తున్నాయి. శశిథరూర్ ఈ వీడియోను తన X ఖాతా ద్వారా షేర్ చేస్తూ.. పోలీసుల బెదిరింపులను ప్రశ్నించినందుకు పౌరుడిపై కస్టడీలో దాడి చేయడం కేవలం చట్టవిరుద్ధమే కాదు.. అది మానవత్వానికి విరుద్ధమని ఆగ్రహం వ్యక్తం చేశారు.
అయితే ఈ వీడియో 2023లో జరిగిన ఘటనకు సంబంధించినది. ఇందులో పోలీసులు స్టేషన్ లోపల సుజిత్పై దాడి చేస్తున్నట్లు స్పష్టంగా కనిపిస్తోంది. శశిథరూర్ మాట్లాడుతూ.. న్యాయం, గౌరవ సూత్రాలను ఉల్లంఘించే అధికారులకు పోలీసు వ్యవస్థలో స్థానం ఉండకూడదని పేర్కొన్నారు. ఈ ఘటనపై వెంటనే చర్యలు తీసుకోవాలని, బాధ్యులపై కఠిన శిక్షలు విధించాలంటూ థరూర్ డిమాండ్ చేశారు.
Cops Assault Youth Congress Leader VS Sujith in Police Station:
Shashi Tharoor Shares Video Showing Police Brutality on VS Sujith