Satyender Jain Jail Row: తీహార్ జైలులో రాజభోగం అనుభవిస్తున్న మంత్రి స‌త్యేంద‌ర్ జైన్‌, జైలు భోజనంతో 8 కిలోల బ‌రువు పెరిగాడని తెలిపిన తీహార్ జైలు అధికారులు

ఢిల్లీలోని ఆమ్ ఆద్మీ పార్టీకి చెందిన‌ మంత్రి స‌త్యేంద‌ర్ జైన్‌ను మ‌నీల్యాండ‌రింగ్ కేసులో అరెస్టు చేసి తీహార్ జైలులో వేసిన విష‌యం తెలిసిందే. అయితే ఆ జైలులో స‌త్యేంద‌ర్‌కు స‌రైన భోజ‌నం పెట్ట‌డం లేద‌ని ఆయ‌న త‌ర‌పున లాయ‌ర్ కోర్టులో వాదించారు. స‌త్యేంద‌ర్ 28 కేజీల బ‌రువు త‌గ్గిన‌ట్లు ఆ లాయ‌ర్ ఆరోపించారు. ఈ నేప‌థ్యంలో తీహార్ జైలులో భోజ‌నం చేస్తున్న‌ స‌త్యేంద‌ర్ వీడియోను రిలీజ్ చేశారు.

జైలులో చేరిన త‌ర్వాత స‌త్యేంద‌ర్ 8 కిలోల బ‌రువు పెరిగిన‌ట్లు తీహార్ జైలు అధికారులు వెల్ల‌డించారు.మంత్రి సత్యేందర్‌ జైన్‌ జైలులో వీఐపీ సౌకర్యాలు పొందుతున్నారని ఇటీవ‌ల ఈడీ ఆరోపించిన విష‌యం తెలిసిందే.దీనికి సంబంధించి సెప్టెంబర్‌ 13, 14 తేదీల్లో రికార్డు చేసిన రెండు వీడియో క్లిప్‌లను సోషల్‌ మీడియాలో పోస్ట్‌ చేయడంతో అవి వైరల్‌ అయ్యాయి.