Inspector Rajeswari: శభాష్ ఇన్‌స్పెక్టర్ రాజేశ్వరి, ప్రశంసా పత్రంతో సత్కరించిన సీఎం స్టాలిన్, క్రెడిట్ అంతా ఆమెకే చెందుతుందని తెలిపిన చెన్నై పోలీస్ కమిషనర్ శంకర్ జివాల్, నాకర్తవ్యం నిర్వహించానని తెలిపిన లేడీ ఎస్సై

భారీ వర్షాలతో జలమయమైన చెన్నై నగరంలోని టీపీ చత్రం ప్రాంతంలో ఓ అభాగ్యుడు అపస్మారక స్థితిలో ఉండగా, రాజేశ్వరి అనే లేడీ ఎస్సై అతనిని స్వయంగా తన భుజాలపై వేసుకుని వెళ్లిన వీడియో సోషల్ మీడియాలో వైరల్ అయిన సంగతి విదితమే. ఈ నేపథ్యంలో ఆమె సేవను గుర్తించిన తమిళనాడు ముఖ్యమంత్రి ఎంకె స్టాలిన్ ఇన్‌స్పెక్టర్ రాజేశ్వరిని అభినందించారు.

ప్రశంసాపత్రంతో సత్కరించారు. ఇన్‌స్పెక్టర్ రాజేశ్వరి అద్భుతంగా పనిచేశారు. ప్రాణాల కోసం పోరాడుతున్న అపస్మారక స్థితిలో ఉన్న వ్యక్తిని ఆమె స్వయంగా పైకి లేపి ఆసుపత్రికి పంపింది. చికిత్స కొనసాగుతోంది, అతను బాగానే ఉన్నాడు. ఆమె అద్భుతమైన అధికారిణి. ఈ క్రెడిట్ అంతా ఆమెకే చెందుతుందని చెన్నై పోలీస్ కమిషనర్ శంకర్ జివాల్ ఆమెను అభినందించారు.

వైరల్ అవుతున్న వీడియో గురించి ఆమె మాట్లాడుతూ.. నేను ముందుగా ప్రథమ చికిత్స అందించాను, తర్వాత నేను అతనిని భుజాల మీద ఆస్పత్రికి తీసుకువెళ్లే ప్రయత్నం చేశాను.ఈ లోపే ఒక ఆటో వచ్చింది, మేము అతన్ని ఆసుపత్రికి పంపాము. అనంతరం నేను ఆసుపత్రిని సందర్శించాను. అక్కడ అతని తల్లి అక్కడ ఉంది. ఆందోళన చెందవద్దని, పోలీసు శాఖ వారికి అండగా ఉంటుందని నేను వారికి హామీ ఇచ్చాను. అతనికి చికిత్స కొనసాగుతోందని, ఆందోళన చెందాల్సిన పని లేదని డాక్టర్ చెప్పారని తెలిపారు.

Here's ANI Updates