IAF Helicopter Crash: ఆర్మీ హెలికాఫ్టర్ ప్రమాదం, తీవ్ర దిగ్భ్రాంతి వ్యక్తం చేసిన సీఎం స్టాలిన్, ప్రమాద ఘటనా స్థలికి వెళ్లనున్న తమిళనాడు ముఖ్యమంత్రి
త‌మిళ‌నాడులోని కూనూర్ వ‌ద్ద హెలికాఫ్టర్ కుప్ప‌కూలిన ఘటనపై తమిళనాడు ముఖ్యమంత్రి ఎంకే స్టాలిన్ (Tamil Nadu Chief Minister MK Stalin) తీవ్ర దిగ్భ్రాంతి వ్యక్తం చేశారు. ప్ర‌మాదంలో (IAF Helicopter Crash) గాయ‌ప‌డిన‌వారికి మెరుగైన చికిత్స అందించాల‌ని ఆయన అధికారుల‌కు సూచించారు.
త‌మిళ‌నాడులోని కూనూర్ వ‌ద్ద హెలికాఫ్టర్ కుప్ప‌కూలిన ఘటనపై తమిళనాడు ముఖ్యమంత్రి ఎంకే స్టాలిన్ (Tamil Nadu Chief Minister MK Stalin) తీవ్ర దిగ్భ్రాంతి వ్యక్తం చేశారు. ప్ర‌మాదంలో (IAF Helicopter Crash) గాయ‌ప‌డిన‌వారికి మెరుగైన చికిత్స అందించాల‌ని ఆయన అధికారుల‌కు సూచించారు. స‌హాయ కార్య‌క్ర‌మాల్లో వాయుసేన, సైనిక సిబ్బందికి స‌హ‌క‌రించాల‌ని కోరారు.
ఈ ఘ‌ట‌న‌లో అయిదుగురు మ‌ర‌ణించ‌గా ప‌లువురు గాయ‌ప‌డ్డారు. ఈ రోజు సాయంత్రం తమిళనాడు ముఖ్యమంత్రి ఎంకె స్టాలిన్ చెన్నై నుండి కోయంబత్తూరుకు వెళ్లనున్నారు. అక్కడి నుంచి నీలగిరికి చేరుకుని ప్రమాద పరిస్థితులను అడిగి తెలుసుకోనున్నారు.
ఆర్మీ హెలికాఫ్టర్ బుధ‌వారం న‌లూర్ నుంచి వెల్లింగ్ట‌న్‌కు వెళుతుండ‌గా కూనూర్ వ‌ద్ద కుప్ప‌కూలింది. ఈ విమానంలో చీఫ్ ఆఫ్ డిఫెన్స్ స్టాఫ్‌ బిపిన్ రావత్, ఆయన భార్య‌తో పాటు 14 మంది ప్ర‌యాణిస్తున్నారు. హెలికాఫ్టర్ కూలిన స‌మ‌యంలో ఆ ప్రాంత‌మంతా ద‌ట్ట‌మైన పొగ‌మంచు అలుముకుంది. ప్రమాద ఘటనపై వాయుసేన ద‌ర్యాప్తున‌కు ఆదేశించింది.