Chandigarh: తనను సర్పంచ్‌గా గెలిపిస్తే ఊరికి ప్రతి ఐదు నిమిషాలకు ఓ హెలికాప్టర్, గ్రామం నుంచి ఢిల్లీ వరకు మెట్రోలైన్,ఉచిత వైఫై, సర్పంచ్ అభ్యర్థి వరాల జల్లులు

హర్యానా పంచాయతీ ఎన్నికల్లో సిర్‌సాఢ్‌ సర్పంచ్‌ పదవికి పోటీ చేస్తున్న జయకరణ్ లఠ్వాల్‌..తనను సర్పంచ్‌గా గెలిపిస్తే లీటర్ పెట్రోల్ రూ.20కే వచ్చేలా చేస్తానని జయకరణ్ చెబుతున్నాడు. గ్రామంలో ప్రతి కుటుంబానికి ఒక బైక్ ఇస్తాడట. గ్రామస్థులందరికీ జీఎస్టీ నుంచి మినహాయింపు ఉంటుందట. మహిళలకు ఉచిత మేకప్ కిట్లు, ప్రతిరోజు మన్ కీ బాత్, ఊర్లో మూడు ఎయిర్‌ పోర్టులు,

మందు తాగే వారికి ఒక బాటిల్ మద్యం, గ్రామం నుంచి ఢిల్లీ వరకు మెట్రోలైన్, ఉచిత వైఫై.. తాను సర్పంచ్‌గా గెలిస్తే సిర్‌సాఢ్ గ్రామం నుంచి గోహాన్‌ మండల కేంద్రం వరకు ప్రతి ఐదు నిమిషాలకు ఓ హెలికాప్టర్ ఏర్పాటు చేస్తానని అతను చెప్పాడు.ఇతని హామీల వర్షం చూసి ఐపీఎస్ అధికారి అరుణ్ బోత్రా తనకు వెంటనే ఈ గ్రామానికి షిఫ్ట్ అవ్వాలనిపిస్తోందని నవ్వులు పూయించారు.