Asian Games 2023: ఆసియా క్రీడలు 2023లో సత్తా చాటిన భారత అథ్లెట్ల బృందం, వారితో భేటీ అయి సంభాషించనున్న ప్రధాని మోదీ

ఇటీవల ముగిసిన హాంగ్‌జౌ ఆసియా క్రీడలు 2023లో పాల్గొనే భారత అథ్లెట్ల బృందంతో ప్రధాని నరేంద్ర మోదీ మంగళవారం న్యూఢిల్లీలోని మేజర్ ధ్యాన్ చంద్ స్టేడియంలో వారితో సంభాషించి ప్రసంగించనున్నారు. సాయంత్రం 4:30 గంటలకు ఆటగాళ్లతో మోదీ సంభాషించనున్నారు. 2023 ఆసియా క్రీడల్లో భారత్ 28 బంగారు పతకాలతో సహా 107 పతకాలు సాధించింది.కాగా ఈ కార్యక్రమానికి ఆసియా క్రీడల కోసం భారత బృందంలోని అథ్లెట్లు, వారి కోచ్‌లు, ఇండియన్ ఒలింపిక్ అసోసియేషన్ అధికారులు, జాతీయ క్రీడా సమాఖ్యల ప్రతినిధులు, యువజన వ్యవహారాలు మరియు క్రీడా మంత్రిత్వ శాఖ అధికారులు హాజరుకానున్నారు. అంతకుముందు, ఆదివారం, హాంగ్‌జౌ ఆసియా క్రీడల్లో అత్యధిక పతకాలు సాధించినందుకు భారత బృందాన్ని మోదీ ప్రశంసించారు.

Here's News