Mohammed Shami: మొహమ్మద్ షమీ బ్రేక్ చేసిన రికార్డులు ఇవిగో, తొలి నాలుగు మ్యాచ్‌లకు బెంచ్‌కే పరిమితం అయినా సత్తా చూపి నంబర్ వన్‌గా నిలిచిన స్టార్
తొలి నాలుగు మ్యాచ్‌లకు బెంచ్‌కే పరిమితం అయినా ఆత్మవిశ్వాసం కోల్పోకుండా వన్డే వరల్డ్‌కప్‌-2023లో టీమిండియా స్టార్ పేసర్‌ మహ్మద్‌ షమీ మరోసారి జయహో అనిపించాడు.
తొలి నాలుగు మ్యాచ్‌లకు బెంచ్‌కే పరిమితం అయినా ఆత్మవిశ్వాసం కోల్పోకుండా వన్డే వరల్డ్‌కప్‌-2023లో టీమిండియా స్టార్ పేసర్‌ మహ్మద్‌ షమీ మరోసారి జయహో అనిపించాడు. ఈ మెగా టోర్నీలో భాగంగా వాంఖడే వేదికగా న్యూజిలాండ్‌తో జరిగిన తొలి సెమీఫైనల్లో 7 వికెట్లతో షమీ చెలరేగాడు.టీమిండియా 70 పరుగుల తేడాతో ఘనవిజయం సాధించింది. ఈ వరల్డ్‌కప్‌లో షమీ ఐదుకు పైగా వికెట్లు సాధించడం ఇది మూడో సారి.అంతకుముందు న్యూజిలాండ్, శ్రీలంకపై ఫైవ్‌ వికెట్ల హాల్‌ షమీ సాధించాడు.
ఇక మ్యాచ్‌లో ఓవరాల్‌గా 9.5 ఓవర్లు వేసిన షమీ.. 57 పరుగులిచ్చి 7 వికెట్లు పడగొట్టాడు. ఇక ఈ మ్యాచ్‌లో దుమ్ములేపిన షమీ పలు అరుదైన రికార్డులను తన పేరిట లిఖించుకున్నాడు. మొత్తం 23 వికెట్లతో ఈసారి టోర్నీలో..టాప్‌ బౌలర్‌ స్థానానికి దూసుకొచ్చాడు. ఈ తరహా ప్రదర్శనను షమి ఫైనల్లోనూ పునరావృతం చేస్తే భారత్ మూడోసారి కప్ అందుకోవడం ఖాయం.
వన్డే వరల్డ్‌కప్‌ సింగిల్‌ ఎడిషన్‌లో అత్యధిక సార్లు ఫైవ్‌ వికెట్ల హాల్స్‌ సాధించిన బౌలర్‌గా షమీ నిలిచాడు. షమీ ఈ టోర్నీలో ఇప్పటివరకు మూడు సార్లు 5 వికెట్ల ఘనత సాధించాడు. ఈ రికార్డు ఇప్పటివరకు ఎవరికీ సాధ్యం కాలేదు.
వన్డే వరల్డ్‌కప్‌ టోర్నీలో అత్యధిక ఫైవ్‌ వికెట్ల హాల్స్‌ నమోదు చేసిన బౌలర్‌గా షమీ నిలిచాడు. షమీ ఇప్పటివరకు వన్డే ప్రపంచకప్‌లో 4 సార్లు ఐదు వికెట్ల ఘనత సాధించాడు. 2019 వరల్డ్‌కప్‌లో కూడా షమీ ఒక ఫైవ్‌ వికెట్ల హాల్‌ తన ఖాతాలో వేసుకున్నాడు. ఇంతకుముందు ఈ రికార్డు ఆస్ట్రేలియా ఫాస్ట్‌ బౌలర్‌ మిచెల్‌ స్టార్క్‌ పేరిట ఉండేది.
అంతర్జాతీయ వన్డేల్లో అత్యుత్తమ బౌలింగ్‌ గణాంకాలు నమోదు చేసిన బౌలర్‌గా షమీ నిలిచాడు. ఈ మ్యాచ్‌లో 9.5 ఓవర్లలో 57 పరుగులిచ్చి 7 వికెట్లు పడగొట్టిన షమీ.. ఈ ఘనతను తన పేరిట లిఖించుకున్నాడు. ఇప్పటివరకు ఈ రికార్డు స్టువర్ట్‌ బిన్నీ పేరిట ఉండేది. 2014లో బిన్నీ బంగ్లాదేశ్‌పై 4 పరుగులిచ్చి 6 వికెట్లు పడగొట్టాడు. తాజా మ్యాచ్‌తో బిన్నీ ఆల్‌టైమ్‌ రికార్డును షమీ బ్రేక్ చేశాడు.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)