Telangana Vehicle Registration: ఇకపై TS కాదు TG..తెలంగాణ వాహనాల నెంబర్ ప్లేట్ రిజిస్ట్రేషన్ మార్చుతూ కేంద్రం గెజిట్‌ నోటిఫికేషన్‌ జారీ

ఇకపై తెలంగాణలో వాహనాల రిజిస్ట్రేషన్‌ TG తో మొదలవుతుంది. కాంగ్రెస్‌ ప్రభుత్వం అధికారంలోకి వచ్చిన తర్వాత వాహన నంబర్ సీరీస్‌ను TS నుంచి TG కి మార్చాలని కేంద్ర ప్రభుత్వాన్ని కోరింది. దేశంలోని దాదాపు అన్ని రాష్ట్రాలు ఆ రాష్ట్రం పేరులోని అక్షరాల అబ్రివేషన్‌ను మాత్రమే రిజిస్ట్రేషన్ సీరీస్‌గా వాాడుతుండగా, గత ప్రభుత్వం Telangana State రెండు వేర్వేరు పదాల తొలి అక్షరంతో TS గా నిర్ణయించారు. ఇప్పుడు దాన్ని TG గా మార్చుతూ కేంద్రం మంగళవారం గెజిట్‌ నోటిఫికేషన్‌ జారీ చేసింది.

తెలంగాణ వాహనాల రిజిస్ట్రేషన్ సందర్భంగా వాడే కోడ్ TSను తెలంగాణలోని కాంగ్రెస్ ప్రభుత్వం రద్దు చేసింది. దీని బదులు TGని వాడబోతుంది. ఈ నిర్ణయానికి తెలంగాణ మంత్రివర్గం ఆమోదం తెలిపింది. దీంతో ఇకపై తెలంగాణలో రిజిస్ట్రేషన్ అయ్యే వాహనాలపై TS బదులు.. TG అని కనిపించనుంది. వాహన రిజిస్ట్రేషన్‌లను భారత ప్రభుత్వం, ఉపరితల రవాణా మంత్రిత్వ శాఖ మార్చాల్సి ఉన్నందున, మార్పు కోరుతూ తెలంగాణ ప్రభుత్వం సిఫార్సు చేసింది. తెలంగాణ ఏర్పడిన వెంటనే అప్పటి టీఆర్‌ఎస్ ప్రభుత్వం తెలంగాణ రాష్ట్రాన్ని నిలబెట్టి టీఎస్‌గా మార్చాలని కోరింది. తెలంగాణ అనేది ఒక్క మాటే అయినా ప్రస్తుత కాంగ్రెస్ ప్రభుత్వం దానిని టీజీగా మార్చాలని కోరుకుంది.

వాహనాల రిజిస్ట్రేషన్‌ ప్లేట్‌లపై టీఎస్‌ నుంచి టీజీకి మార్చేందుకు భారత ప్రభుత్వం ఆమోదం తెలిపిందని తెలంగాణ ప్రభుత్వ ప్రత్యేక ప్రతినిధి డాక్టర్‌ మల్లు రవి మంగళవారం తెలిపారు. రోడ్డు రవాణా మరియు రహదారుల మంత్రిత్వ శాఖ గెజిట్ నోటిఫికేషన్‌ను తక్షణమే అంటే మార్చి 12, 2024 నుండి అమలులోకి తెచ్చింది. ఈ మార్పు నియంత్రణ స్పష్టత మరియు ప్రభావాన్ని మెరుగుపరచడం లక్ష్యంగా పెట్టుకున్నట్లు ఆయన పేర్కొన్నారు.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)