Telangana Assembly Session 2023: ఎస్టీ జాబితాలోకి వాల్మీకి బోయలతో పాటు మరికొన్ని వర్గాల షెడ్యూల్డ్ తెగలు, కేంద్రానికి సిఫార్సు చేస్తూ అసెంబ్లీలో తీర్మానాన్ని ఆమోదించిన తెలంగాణ ప్రభుత్వం

Hyd, Feb 10: వాల్మీకి బోయలతో పాటు మరికొన్ని వర్గాలను షెడ్యూల్డ్ తెగల (ఎస్టీ) జాబితాలో చేర్చాలని కేంద్రానికి సిఫార్సు చేస్తూ తెలంగాణ శాసనసభ శుక్రవారం తీర్మానం చేసింది.తీర్మానాన్ని ప్రవేశపెట్టిన ముఖ్యమంత్రి కే చంద్రశేఖర్‌రావు మాట్లాడుతూ వాల్మీకి బోయ, కిరాతక తదితర వర్గాలను ఎస్టీ జాబితాలో (Valmiki Boya, Others in Scheduled Tribes List) చేర్చేందుకు 2016లో షెడ్యూల్డ్ తెగల విచారణ కమిషన్ సిఫారసును రాష్ట్ర ప్రభుత్వం ఆమోదించిందని, దానిని రాష్ట్ర ప్రభుత్వం ఆమోదించిందని తెలిపారు.

అయితే కేంద్రం నుంచి ఈ విషయంపై ఎలాంటి స్పందన రాలేదని తెలిపారు. అందువల్ల ఆయా వర్గాలను ఎస్టీల జాబితాలో చేర్చాలని కేంద్రానికి సిఫారసు చేయాలని సభ ఏకగ్రీవంగా తీర్మానం చేసి తీర్మానాన్ని చదివి వినిపించింది. ఆదిలాబాద్‌, కొమ్రం భీమ్‌ ఆసిఫాబాద్‌, మంచిర్యాల జిల్లాల్లో నివసించే 'మలి' సామాజికవర్గాన్ని వారి సామాజిక-ఆర్థిక పరిస్థితుల దృష్ట్యా వారిని ఎస్టీ జాబితాలో చేర్చాలని ప్రతిపాదించారు. తమను ఎస్టీల్లో చేర్చాలని కోరుతూ వస్తున్నారని సీఎం కేసీఆర్ తెలిపారు. తీర్మానాన్ని ఆమోదించినట్లు స్పీకర్ పోచారం శ్రీనివాసరెడ్డి ప్రకటించారు.

అన్ని పార్టీల నేతలు ఒప్పుకుంటే 11.5 లక్షల ఎకరాలు పంపిణీ చేస్తాం, పోడు భూములపై తమకు ప్రత్యేక విధానం ఉందని తెలిపిన సీఎం కేసీఆర్

వాల్మీకి బోయలను ఎస్టీ జాబితాలో చేర్చాలని రాష్ట్ర వ్యవసాయ శాఖ మంత్రి నిరంజన్‌ రెడ్డి, ఎక్సైజ్‌, క్రీడల శాఖ మంత్రి శ్రీనివాస్‌గౌడ్‌ కేంద్రాన్ని డిమాండ్‌ చేశారు. శుక్రవారం వారు అసెంబ్లీ మీడియా పాయింట్‌లో మాట్లాడారు. వాల్మీకి బోయలను కొన్ని రాష్ట్రాలు ఎస్టీ, ఎస్సీ జాబితాలో చేర్చాయని పేర్కొన్నారు.వాల్మీకి బోయలు ఎస్టీ జాబితాలో చేర్చాలని 1956 నుంచి ఉద్యమాలు చేస్తున్నారని గుర్తు చేశారు.

ప్రగతిభవన్‌ను ప్రజా దర్బార్‌గా మారుస్తాం, కొత్త సచివాలయంలో డోమ్‌లు కూల్చివేసి తెలంగాణ సంస్కృతికి పట్టం కడతాం, బండి సంజయ్ సంచలన వ్యాఖ్యలు

తెలంగాణ ఏర్పడిన తర్వాత ఏర్పాటు చేసిన చెల్లప్ప కమీషన్ రిపోర్ట్ ఆధారంగా వాల్మీకి బోయలను ఎస్టీ జాబితా లో చేర్చాలని సభలో ఏకగ్రీవ తీర్మానం చేసి కేంద్రానికి పంపామని వెల్లడించారు.తదుపరి ప్రక్రియ కేంద్రం పరిధిలో ఉందన్నారు.కేంద్ర ప్రభుత్వం వెంటనే ఆమోదించి బోయలకు న్యాయం చేయాలని కోరారు. ఎమ్మెల్యే కృష్ణమోహన్ మాట్లాడుతూ వాల్మీకిబోయలను ఎస్టీ జాబితాలో చేర్చాలని కేంద్ర ప్రభుత్వాన్ని కోరుతూ అసెంబ్లీలో తీర్మానం చేసిన సీఎం కేసీఆర్‌కు ప్రత్యేక కృతజ్ఞతలు తెలిపారు.