Japan Dating App: యువత కోసం స్పెషల్ డేటింగ్ యాప్ లాంచ్ చేయనున్న జపాన్
8 ఏళ్లుగా దేశ వ్యాప్తంగా పెరిగిపోతున్న లో-బర్త్ రేట్ సమస్యను పరిష్కరించేందుకు జపాన్ ప్రభుత్వం ఎన్నో ఏళ్లుగా ప్రయత్నిస్తోంది. కానీ ఫలితం లేకపోవడంతో తాజాగా ఏకంగా ఓ డేటింగ్ యాప్‌ను లాంచ్ చేసేందుకు రెడీ అయింది.
జపాన్‌లో యువత విపరీతంగా తగ్గిపోతున్న విషయం తెలిసిందే. దీంతో అతి త్వరలో ఆ దేశం ప్రపంచంలోనే వృద్ధ దేశంగా మారబోతోంది. పెళ్లి, కుటుంబ వ్యవస్థ వంటి విషయాలపై ఆ దేశ యువత విముఖత చూపడంతో బర్త్ రేట్ విపరీతంగా పడిపోవడమే కాకుండా వృద్ధ జనాభా పెరిగిపోతోంది. ఈ సమస్యను పరిష్కరించేందుకు జపాన్ ప్రభుత్వం ఏకంగా ఓ డేటింగ్ యాప్‌ని లాంచ్ చేయబోతోంది.
గత 8 ఏళ్లుగా జపాన్‌లో బర్త్ రేట్ దారుణంగా పడిపోతూ వస్తోంది. ఈ పరిస్థితిని పరిష్కరించేందుకు జపాన్ ప్రభుత్వం ఎన్నో ఏళ్లుగా ప్రయత్నిస్తోంది. కానీ ఫలితం పెద్దగా కనిపించడం లేదు. దీంతో తాజాగా ఓ డేటింగ్ యాప్ లాంచ్ చేయడానికి రెడీ అయింది. యువతలో పెళ్లిపై ఆసక్తి పెంచి తద్వారా బర్త్ రేట్‌ను కూడా పెంపొందించాలనేది జపాన్ ప్రభుత్వం ఆలోచన.
అయితే ఈ యాప్‌లో రిజిస్టర్ కావడానికి కూడా కొన్ని రూల్స్ ఉన్నాయి. యాప్‌లో రిజిస్టర్ కావాలనుకునే యువత తాము సింగిల్‌గానే ఉన్నామని అఫీషియల్‌గా నిర్ధారించేందుకు డాక్యుమెంట్స్ సమర్పించాలి. అలాగే పెళ్లి చేసుకోవాలనే ఆలోచనలో ఉన్నట్లు కూడా ఓ లెటర్ సైన్ చేయాలి. అంతేకాకుండా తమ వార్షిక ఆదాయాన్ని నిర్ధారిస్తూ టాక్స్ సర్పిఫికేట్ కూడా సమర్పించాలి. వీటన్నింటికీ తోడు సదరు యూజర్ తాన ఐడెంటిటీని వెరిఫై చేస్తూ ఓ ఇంటర్వ్యూ కూడా ఇవ్వాల్సి ఉంటుంది. మరి ఈ యాప్ వల్ల జపాన్ బర్త్ రేట్ సమస్య ఏ మేరకు తగ్గుతుందో చూడాలి.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)