Cinema Tree Sprout Again: వరదల కారణంగా కూలిన 150 సంవత్సరాల పురాతన చెట్టు మళ్లీ చిగురిస్తోంది, నిద్ర గన్నేరు చెట్టు చిగురులు తొడుగుతున్న వీడియోలు ఇవిగో..

Cinema Tree Sprout Again: స్థానికంగా "నిద్ర గన్నేరు చెట్టు" అని పిలవబడే 150 సంవత్సరాల పురాతన చెట్టు ఇది. 300కు పైగా దక్షిణ భారత మరియు బాలీవుడ్ చిత్రాలలో కనిపించినందుకు "సినిమా ట్రీ" గా ప్రసిద్ధి చెందింది. అయితే ఇది వరదల కారణంగా నేలకూలిన తర్వాత పునరుద్ధరణ సంకేతాలను చూపుతోంది. జిల్లా యంత్రాంగం మరియు రోటరీ క్లబ్ ఆఫ్ ఐకాన్స్ రాజమహేంద్రవరం సంయుక్త కృషితో ఈ చెట్టు మళ్లీ మొలకెత్తడం ప్రారంభించింది, దాని పూర్తి పునరుద్ధరణపై ఆశను పునరుద్ధరించింది.

కుమారదేవం గ్రామంలో గోదావరి నది ఒడ్డున ఉన్న ఈ చారిత్రాత్మక వృక్షం గతంలో 1953, 1986, 2022లో వచ్చిన భారీ వరదలతో పాటు 1996లో వచ్చిన సూపర్ సైక్లోన్‌ను తట్టుకుంది. అయితే, 2024 వరదల సమయంలో అది కూలిపోయింది. ఈ వారసత్వ చిహ్నాన్ని కాపాడాలని నిశ్చయించుకున్న తూర్పుగోదావరి జిల్లా యంత్రాంగం, రోటేరియన్లు చెట్టుకు మళ్లీ ప్రాణం పోసేందుకు ప్రయత్నాలు ప్రారంభించారు.

వీడియో ఇదిగో, ఎస్పీ బాలసుబ్రహ్మణ్యం పాట వింటూ బ్రెయిన్ సర్జరీ చేయించుకున్న వృద్ధురాలు, సాధారణ అనస్థీషియా లేకుండా ఆపరేషన్

రోటరీ క్లబ్, చెట్టు ప్రాజెక్టు చైర్మన్ రేఖపల్లి దుర్గాప్రసాద్ ఆధ్వర్యంలో గత రెండు నెలలుగా చెట్టును పునరుద్ధరించేందుకు ముమ్మరంగా కృషి చేస్తున్నారు. గోదావరి గట్టు పొడవునా కోత, ఎలుకలు ప్రారంభ మొలకలను కొట్టడం వంటి సవాళ్లు ఉన్నప్పటికీ, బృందం అంకితభావంతో పనిచేసింది. దుర్గాప్రసాద్, ముగ్గురు మానిటర్ల బృందంతో కలిసి, చెట్టు ఎదుగుదల కోసం అవసరమైన రసాయనాలు, సంరక్షణను అందించారు.

Here's Video

గత 10 రోజులలో, కొత్త చిగురులు చాలాసార్లు ఉద్భవించాయి. అక్టోబర్ నాటికి, చెట్టు దాని ప్రైమ్‌లో మాదిరిగానే పది మంది వరకు కూర్చునే వరకు దృఢమైన కొమ్మలను పెంచుతుందని రోటరీ క్లబ్ ప్రతినిధులు ఆశాభావం వ్యక్తం చేశారు. చెట్టు తిరిగి ప్రాణం పోసుకోవచ్చని మాకు క్లారీటీకి వచ్చింది, కాబట్టి మేము పునరుద్ధరణ ప్రక్రియను చేపట్టాలని నిర్ణయించుకున్నాము" అని కలెక్టర్ ప్రశాంతి ఆమె స్థల పరిశీలనలో తెలిపారు. రాజమహేంద్రవరంలోని రోటరీ క్లబ్‌తో పాటు ఈ ప్రాంత సాంస్కృతిక మరియు సినిమా వారసత్వానికి ప్రతీకగా నిలిచిన ఈ వృక్షాన్ని పునరుద్ధరించేందుకు పాలకులు కట్టుబడి ఉన్నారని ఆమె తెలిపారు.