Heavy Rain Warning: భారీ నుంచి అతి భారీ వర్షాలు, దేశంలో పలు రాష్ట్రాలకు అలర్ట్ జారీ చేసిన ఐఎండీ, ప్రజలంతా అప్రమత్తంగా ఉండాలని హెచ్చరిక
నైరుతి రుతుపవనాల ప్రభావంతో దేశవ్యాప్తంగా గత కొన్ని రోజులుగా ఎడతెరిపి లేని భారీ వర్షాలు కురుస్తున్నాయి. ఈ నేపథ్యంలో దేశ వ్యాప్తంగా రానున్న రోజుల్లో భారీ నుంచి అతి భారీ వర్షాలు కురిసే అవకాశం (Heavy rain warning) ఉందని భారత వాతావరణ శాఖ (India Meteorological Department) తెలిపింది.
Heavy Rain Warning Across India: నైరుతి రుతుపవనాల ప్రభావంతో దేశవ్యాప్తంగా గత కొన్ని రోజులుగా ఎడతెరిపి లేని భారీ వర్షాలు కురుస్తున్నాయి. ఈ నేపథ్యంలో దేశ వ్యాప్తంగా రానున్న రోజుల్లో భారీ నుంచి అతి భారీ వర్షాలు కురిసే అవకాశం (Heavy rain warning) ఉందని భారత వాతావరణ శాఖ (India Meteorological Department) తెలిపింది.
భారత వాతావరణ శాఖ(ఐఎండీ) విడుదల చేసిన బులిటెన్ ప్రకారం.. రాజస్థాన్, ఉత్తరప్రదేశ్, ఉత్తరాఖండ్, హిమాచల్ ప్రదేశ్, గోవా, గుజరాత్, మధ్యప్రదేశ్, మహారాష్ట్రతో సహా పలు రాష్ట్రాలకు భారీ నుంచి అతి భారీ వర్షాలు పడనున్నాయి. రాబోయే ఐదు రోజుల్లో పశ్చిమ ఉత్తరప్రదేశ్, రాజస్థాన్, ఉత్తరాఖండ్లలో ఉరుములు, మెరుపులతో కూడిన భారీ వర్షాలు కురిసే అవకాశం ఉందని ఐఎండీ బులెటిన్లో ఒక ప్రకటన తెలిపింది.
జూలై 5 వరకు ఉత్తరాఖండ్ అంతటా కుండపోత వర్షాలు కురుస్తాయని ఐఎండీ అంచనా వేసింది.ఈ నేపథ్యంలో డెహ్రాడూన్తో పాటు ఉత్తరాఖండ్లోని కొండ ప్రాంతాలలో ఎల్లో అలర్ట్ ప్రకటించారు. వర్షం సమయంలో ప్రయాణించకుండా ఉండాలని వాతావరణ శాఖ డైరెక్టర్ బిక్రమ్ సింగ్ విజ్ఞప్తి చేశారు. మరోవైపు భారీ వర్షాల దృష్ట్యా ఉత్తరాఖండ్ యంత్రాంగం అప్రమత్తమైంది.
రాష్ట్ర డిజాస్టర్ రెస్పాన్స్ ఫోర్స్ (SDRF), నేషనల్ డిజాస్టర్ రెస్పాన్స్ ఫోర్స్ (NDRF) బృందాలను అమర్నాథ్ యాత్ర మార్గంలో, అలాగే సున్నితమైన విపత్తుల సమయంలో మోహరించినట్లు అదనపు డైరెక్టర్ జనరల్ ఆఫ్ పోలీస్ (ADG) లా అండ్ ఆర్డర్ వి. మురుగేశన్ తెలిపారు. రాష్ట్రవ్యాప్తంగా కురుస్తున్న భారీ వర్షాల దృష్ట్యా రాష్ట్రంలోని ఎనిమిది జిల్లాల్లో వాతావరణ శాఖ ఆరెంజ్ అలర్ట్ ప్రకటించింది.ప్రజలు అప్రమత్తంగా ఉండాలని, కొన్ని రోజులపాటు ప్రయాణాలను వాయిదా వేసుకోవాలని సూచించింది.
ఇక హిమాచల్ ప్రదేశ్ లోని పలు ప్రాంతాల్లో గత కొన్ని రోజులుగా తేలికపాటి నుంచి మోస్తరు వర్షాలు కురుస్తూనే ఉన్నాయి. రానున్న ఐదు రోజుల్లో ఆ రాష్ట్రంలో ఉరుములు, మెరుపులతో కూడిన భారీ వర్షాలు కురుస్తాయని వాతావరణ శాఖ తెలిపింది. జూన్ 30, జులై 1 తేదీలలో ఉరుములు, మెరుపులతో కూడిన హెచ్చరికలతో పాటు జూన్ 28, 29 తేదీలలో భారీ వర్షాలు, ఉరుములు, మెరుపులతో కూడిన భారీ వర్షాలు కురుస్తాయని వాతావరణ శాఖ హెచ్చరికలు జారీ చేసింది.
హిమాచల్లో, గత 24 గంటల్లో, నీటిలో మునిగిపోవడం, కొండచరియలు విరిగిపడటం, రోడ్డు ప్రమాదాలు వంటి వివిధ వర్షాలకు సంబంధించిన సంఘటనలలో ఆరుగురు ప్రాణాలు కోల్పోయారని ఎమర్జెన్సీ ఆపరేషన్ సెంటర్ (EOC) తెలిపింది.జలశక్తి శాఖకు రూ.89.95 కోట్లు, పబ్లిక్ వర్క్స్ డిపార్ట్మెంట్ (పీడబ్ల్యూడీ)కి రూ.72.90 కోట్లతో కలిపి రూ.164.2 కోట్ల మేర (జూన్ 24 నుంచి జూన్ 27 వరకు) కొండ రాష్ట్రానికి మొత్తం నష్టం వాటిల్లిందని అధికారులు తెలిపారు.
గోవా, పనాజీలకు కూడా ఐఎండీ హెచ్చరికలు జారీ చేసింది. వర్షాల కారణంగా గోవా రాజధాని పనాజీలోని పలు ప్రాంతాలు జలమయమయ్యాయి. పనాజీ సిటీ కార్పొరేషన్ (CCP) కార్మికులు చెత్తతో మూసుకుపోయిన కాలువలను క్లియర్ చేయడం కనిపించింది. నగరంలోని ప్రధాన వాణిజ్య వీధుల్లో ఒకటైన జూన్ 18వ తేదీ రోడ్డు వెంబడి పలు దుకాణాలలోకి నీరు చేరింది. గత వారాంతం నుంచి గోవాలో వర్షాలు కురుస్తున్నాయి.
మహారాష్ట్రలో భారీ వర్షాలు కురుస్తున్నాయి. . తూర్పు మహారాష్ట్రలోని గోండియా, భండారా జిల్లాల్లో గత రెండు రోజులుగా భారీ వర్షాలు కురుస్తున్నాయి. వర్షాల కారణంగా పూజారిటోలా డ్యాం నాలుగు గేట్లను తెరిచారు. నది ఒడ్డున నివసించే ప్రజలు అప్రమత్తంగా ఉండాలని గోండియా కలెక్టర్ చిన్మయ్ గోత్మారే కోరారు. ముంబై, థానే జిల్లాలకు ఎల్లో అలర్ట్ జారీ చేసింది ఐఎండీ. అదే సమయంలో పాల్ఘర్, రాయ్ గఢ్ జిల్లాలకు ఆరెంజ్ అలర్ట్ జారీ చేసింది. ఇక ముంబైలోని పలు ప్రాంతాల్లో బుధవారం భారీ నుంచి అతిభారీ వర్షం కురిసే అవకాశం ఉందని తెలిపింది.