Delhi Hit-and-Run: షాకింగ్ వీడియో ఇదిగో, బైక్‌ను ఢీకొట్టి యువకుడిని మూడు కిలోమీటర్లు ఈడ్చుకెళ్లిన కారు, దేశ రాజధాని ఢిల్లీలో దారుణ ఘటన

దేశ రాజధాని ఢిల్లీలోని వేగంగా ప్రయాణిస్తున్న కారు టూవీలర్‌ను ఢీకొట్టడంతో ఓ వ్యక్తి ఊహించని రీతిలో ప్రాణాలు కోల్పోగా.. మరో వ్యక్తి తీవ్రంగా గాయపడ్డాడు. ప్రమాదానికి సంబంధించిన దృశ్యాలను రోడ్డు మీద వెళ్తున్న మరో వ్యక్తి తన ఫోన్‌లో చిత్రీకరించడంతో ఈ వీడియో నెట్టింట్లో వైరల్‌గా మారింది.టాల్‌స్టాయ్ మార్గ్ కూడలి వద్ద బైక్‌పై వెళుతున్న ఇద్దరు యువకులను మహింద్రా ఎక్స్‌యూవీ కారు ఢీకొట్టింది. దీంతో బైక్‌ పైన ఉన్న ఓ వ్యక్తి కారుపై పడ్డాడు.

ఆటో రిక్షాలో మంటలు, మహిళ ప్రయాణికురాలు సజీవ దహనం, మహారాష్ట్రలోని థానేలో విషాదకర ఘటన

మరో వ్యక్తి రోడ్డుపై ఎగిరి పడ్డాడు. ఇంత ఘోరం జరిగిన తర్వాత కూడా డ్రైవర్‌ కారును ఆపకుండా.. పైన వ్యక్తిని అలాగే ఉంచి వేగంగా వెళ్లనిచ్చాడు. దాదాపు 3 కిలోమీటర్లు పోనిచ్చాడు.అనంతరం గాయపడిన వ్యక్తిని ఢిల్లీ గేట్ సమీపంలో కారు నుంచి కింద పడవేసి అక్కడి నుంచి పారిపోయాడు. దీంతో యువకుడి తలకు తీవ్ర గాయమవ్వడంతో అక్కడికక్కడే మరణించాడు.ఈ ఘటనలో గాయపడిన అతని బంధువు 20 ఏళ్ల ముకుల్ పరిస్థితి విషమంగా ఉంది.

Here's Video

దీనిపై సమాచారం అందుకున్న ఢిల్లీ పోలీసులు హత్య కేసు నమోదు చేశారు. కారు నడిపిన వ్యక్తి హర్నీత్ స్ంగ్ చావ్లాను అరెస్టు చేశారు. అతనితో పాటు అతని కుటుంబం కూడా కారులో ఉన్నట్లు గుర్తించారు. ప్రమాద సమయంలో డ్రైవర్‌ మద్యం మత్తులో ఉన్నట్లు పోలీసులు తెలిపారు.