Indira Devi Passes Away: వైరల్ వీడియో, అమ్మ కాఫీ తాగితే నాకు దేవుడి గుళ్లో ప్రసాదం తిన్నట్టుగా ఉంటుంది, తల్లి గురించి గొప్పగా చెప్పిన మహేష్ బాబు

మహేశ్ బాబుకు తన మాతృమూర్తి అయిన ఇందిరతో ఎంతో అనుబంధం ఉంది. అమ్మ పట్ల తనకున్న ఇష్టాన్ని ఆ మధ్య ఓ సినిమా ఈవెంట్ సందర్భంగా మహేశ్ బాబు బయటపెట్టారు. ఎప్పుడూ సినిమా రిలీజ్‌కు ముందు తాను అమ్మ దగ్గరకు వెళ్లి కాఫీ తాగుతానని చెప్పిన ప్రిన్స్.. ఆ కాఫీ తాగితే నాకు దేవుడి గుళ్లో ప్రసాదం తిన్నట్టుగా ఉంటుంది. ఆవిడ ఆశీస్సులు నాకెంతో ముఖ్యం అంటూ మహేశ్ బాబు తన తల్లి గురించి చెప్పుకొచ్చారు. ఇప్పుడు ఈ వీడియో సోషల్ మీడియాలో వైరల్ అవుతోంది.

ఇక సూపర్ స్టార్ కృష్ణ సతీమణి, మహేశ్ బాబు మాతృమూర్తి ఇందిరా దేవి (Indira Devi) బుధవారం వేకువజామున తుదిశ్వాస విడిచారు. గత కొంత కాలంగా అనారోగ్యంతో బాధపడుతున్న ఆమె.. ఏఐజీ హాస్పిటల్‌లో చికిత్స పొందారు. పరిస్థితి విషమించడంతో హైదరాబాద్‌లోని తన నివాసంలో కన్నుమూశారు.