O2 Movie Trailer Out: నయనతార O2 ట్రైలర్ విడుదల, ఐదారేళ్ల బాబుకి త‌ల్లిగా నటించిన నయనతార

లేడీ సూపర్ స్టార్ నయనతార ప్రధాన పాత్రలో నటించిన చిత్రం O2 ట్రైలర్ (O2 Movie Trailer Out) విడుదలయింది. సినిమాలో న‌య‌న‌తార ఓ ఐదారేళ్ల బాబుకి త‌ల్లిగా న‌టించింది. ట్రైల‌ర్‌ను గ‌మ‌నిస్తే.. న‌య‌న‌తార కొడుకు శ్వాస‌ను పీల్చుకోవడానికి ఇబ్బంది ప‌డే ఓ స‌మ‌స్య‌తో బాధ‌ప‌డుతుంటాడు. అత‌నికి చికిత్స చేయించ‌డానికి ఆమె మ‌రో రాష్ట్రానికి వెళుతుంటుంది. అప్పుడు వారు వెళుతున్న రోడ్డు రెండు చీలి బ‌స్సు అందులో ప‌డిపోతుంది. భూమిలో కూరుకుపోతారంద‌రూ అప్పుడు వారేం చేస్తారు? ఎలా భ‌య‌ట‌ప‌డ‌తార‌నేదే క‌థాంశంగా చూపించారు. జూన్ 17న డైరెక్ట్‌గా డిస్నీ ప్ల‌స్ హాట్ స్టార్‌(Disney+Hot star) లో ఈ చిత్రం విడుద‌ల కానుంది. డ్రీమ్ వారియ‌ర్ పిక్చ‌ర్స్ బ్యాన‌ర్‌పై జి.ఎస్‌.విఘ్నేష్(G.S.Vignesh) ఈ చిత్రాన్ని తెర‌కెక్కించారు.