Firing in Delhi Video: వీడియో ఇదిగో, ఢిల్లీలో మళ్లీ కాల్పుల కలకలం, డబ్బు కోసం ప్రాపర్టీ డీలర్ కార్యాలయంపై 20 రౌండ్లు కాల్పులు జరిపిన అగంతకులు

ఒక ప్రాపర్టీ డీలర్ కార్యాలయంపై ముగ్గురు వ్యక్తులు అనేక రౌండ్లు కాల్పులు జరిపి, దోపిడీ డబ్బు డిమాండ్ చేసిన వీడియో సోషల్ మీడియాలో వైరల్ అవుతోంది. ఢిల్లీలోని ద్వారక ప్రాంతంలోని ఓ ప్రాపర్టీ డీలర్ కార్యాలయంపై 20 రౌండ్లకు పైగా కాల్పులు జరిపినట్లు అధికారి గురువారం తెలిపారు. ఈ ఘటన వెనుక ప్రముఖ గ్యాంగ్‌స్టర్ హిమాన్షు భౌ హస్తం ఉందని సంబంధిత వర్గాలు తెలిపాయి. బుధవారం మధ్యాహ్నం 1:30 గంటలకు బిందాపూర్ పోలీస్ స్టేషన్‌లో కాల్పులకు సంబంధించిన సమాచారం అందిందని, ఆ తర్వాత పోలీసు బృందం సంఘటనా స్థలానికి చేరుకుందని డిప్యూటీ కమిషనర్ ఆఫ్ పోలీస్ (ద్వారక) ఎం హర్షవర్ధన్ తెలిపారు.

"ఒక ప్రాపర్టీ డీలర్ కార్యాలయంపై ముగ్గురు వ్యక్తులు అనేక రౌండ్లు కాల్పులు జరిపి, దోపిడీ డబ్బు డిమాండ్ చేసినట్లు కనుగొనబడింది. ఎవరికీ బుల్లెట్ గాయం కాలేదు" అని డిసిపి చెప్పారు. భారతీయ శిక్షాస్మృతిలోని సంబంధిత సెక్షన్ల కింద బిందాపూర్ పోలీస్ స్టేషన్‌లో ఎఫ్‌ఐఆర్ నమోదు చేయబడింది. నిందితులను పట్టుకునేందుకు బృందాలను ఏర్పాటు చేశామని డీసీపీ తెలిపారు.

Here's Video