Jaykumar Gore: మహిళకు న్యూడ్ ఫోటో పంపిన మహారాష్ట్ర మంత్రి జయకుమార్ గోర్, రాజీనామా చేయాలంటూ ప్రతిపక్షాలు డిమాండ్, ఆరోపణలు ఖండించిన గోర్

మహారాష్ట్రలో ఎన్సీపీ నేత ధనంజయ్ ముండే రాజీనామా చేసిన మరుసటి రోజే , ఒక మహిళను వేధించి, ఆమెఅనుచిత ఫోటోలను పంపారనే ఆరోపణలపై బీజేపీ మంత్రి జయకుమార్ గోర్ (Jaykumar Gore) రాజీనామా చేయాలని ప్రతిపక్షాలు బుధవారం డిమాండ్ చేశాయి.కాంగ్రెస్ ఎమ్మెల్యే విజయ్ వాడేట్టివార్ మాట్లాడుతూ.. మంత్రి మరోసారి ఆ మహిళను బెదిరించారని ఆరోపించారు. ఆ మంత్రిని మంత్రివర్గం నుండి తొలగించాలని ఆయన పట్టుబట్టారు. ఈ విషయంపై గోర్ గతంలో కోర్టులో క్షమాపణలు చెప్పారని, కానీ మంత్రి అయిన తర్వాత ఇప్పుడు ఆ మహిళను వేధిస్తున్నారని ఆయన ఆరోపించారు.

మహారాష్ట్రలో సర్పంచ్‌ దారుణ హత్య, మంత్రి పదవికి ధనంజయ్‌ ముండే రాజీనామా, రాజకీయ ప్రకంపనలు రేపుతున్న సర్పంచ్‌ సంతోష్‌ దేశ్‌ముఖ్‌ హత్య కేసు

ఆరోపణలకు గోర్ స్పందిస్తూ.. నేను కోర్టు నుండి నిర్దోషిని అని తేలింది. దీనిపై నాపై ఆరోపణలు చేసిన వారిపై పరువు నష్టం అభియోగాలు నమోదు చేస్తాను" అని అన్నారు.శివసేన (UBT) నేరుగా గోర్ పేరును ప్రస్తావించి, ఆయనను మంత్రివర్గం నుండి తొలగించాలని డిమాండ్ చేసింది. ఎంపీ సంజయ్ రౌత్ మాట్లాడుతూ, "స్వర్గేట్ కేసు వెలుగులోకి వస్తోంది. దేవేంద్ర ఫడ్నవీస్ ప్రియమైన మంత్రి జయకుమార్ గోర్ విషయంలో కూడా ఇప్పుడు అదే విషయం బయటపడుతోంది. ఈ మంత్రి ఒక మహిళను ఎలా హింసించి, వేధించాడనే సమాచారం బయటపడింది. ఆ నిస్సహాయ మహిళ రాబోయే కొద్ది రోజుల్లో విధాన్ భవన్ ముందు నిరాహార దీక్ష చేయనుందని తెలిపారు.

Jaykumar Gore Faces Sex Harassment Allegation