Haryana Singer Death Case: 10 నిద్రమాత్రలతో సింగర్ దారుణ హత్య, ఇద్దర్నీ అరెస్ట్ చేసిన ఢిల్లీ పోలీసులు, ప్లాన్‌ ప్రకారమే సంగీతను హత్య చేశారని వెల్లడి
వారు మృతురాలితో కలిసి పనిచేసే రవి, అనిల్‌గా పోలీసులు పేర్కొన్నారు. ఇటీవల హర్యాన్వీ సింగర్ దివ్య దారుణ హత్యకు గురైన సంగతి తెలిసిందే.
ఢిల్లీకి చెందిన సింగర్ దివ్య ఇండోరా అలియాస్‌ సంగీత(29) హత్య కేసులో ఇద్దరు అరెస్ట్ అయ్యారు. వారు మృతురాలితో కలిసి పనిచేసే రవి, అనిల్‌గా పోలీసులు పేర్కొన్నారు. ఇటీవల హర్యాన్వీ సింగర్ దివ్య దారుణ హత్యకు గురైన సంగతి తెలిసిందే. మే 11న కనిపించకుండ పోయిన ఆమె 3 రోజుల తర్వాత రోహ్‌తక్‌ మెహమ్‌ సమీపంలో శవమై కనిపించిన ఘటన సంచలనం రేపింది. ఈ కేసుపై దర్యాప్తు చేపట్టిన పోలీసులు ఆమె స్నేహితులు రవి, అనిల్‌ను శనివారం అరెస్ట్ చేసి విచారణ చేపట్టారు. ప్లాన్‌ ప్రకారమే సంగీతను హత్య చేశారని, చంపాడానికి ముందు ఆమెకు 10 నిద్ర మాత్రలు ఇచ్చినట్లు నిందితులు విచారణలో వెల్లడించారని పోలీసులు తెలిపారు. సంగీత హత్య ఘటనలో సూత్రధారి రవి అని విచారణలో వెల్లడైంది.