Omicron in India: దేశంలో చాప కింద నీరులా ఒమిక్రాన్, 781 కు పెరిగిన కొత్త వేరియంట్ కేసులు, తాజాగా 9,195 మందికి కరోనా, నిన్న 7,347 మంది క‌రోనా నుంచి కోలుకుని డిశ్చార్జ్

గత 24 గంటల్లో దేశంలో 9,195 క‌రోనా కేసులు (COVID19 cases) న‌మోద‌య్యాయ‌ని కేంద్ర వైద్య ఆరోగ్య శాఖ ప్ర‌క‌టించింది. నిన్న 7,347 మంది క‌రోనా నుంచి కోలుకున్నార‌ని వివ‌రించింది. ప్ర‌స్తుతం ఆసుప‌త్రులు, హోం క్వారంటైన్ల‌లో 77,002 మంది చికిత్స తీసుకుంటున్నార‌ని తెలిపింది. ఇప్ప‌టివ‌ర‌కు కోలుకున్న వారి సంఖ్య మొత్తం 3,42,51,292గా ఉంద‌ని పేర్కొంది.

ఇప్ప‌టివ‌ర‌కు దేశంలో 67.52 కోట్ల‌ క‌రోనా ప‌రీక్ష‌లు చేశారు. మొత్తం 143.15 కోట్ల డోసుల వ్యాక్సిన్లు వినియోగించారు. కాగా, దేశంలో ఒమిక్రాన్ కేసుల సంఖ్య (Omcrion in India) క్ర‌మంగా పెరిగిపోతోంది. ఇప్ప‌టివ‌ర‌కు న‌మోదైన మొత్తం ఒమిక్రాన్ వేరియంట్ కేసుల సంఖ్య 781గా (New Variant cases in India) ఉంది. తెలంగాణ‌లో మొత్తం 62 ఒమిక్రాన్ కేసులు న‌మోదుకాగా, వారిలో 10 మంది కోలుకున్నారు. ఆంధ్ర‌ప్ర‌దేశ్‌లో ఆరు ఒమిక్రాన్ కేసులు న‌మోదుకాగా, ఒక్క‌రు కోలుకున్నారు.