PM Modi on Rashmika Mandanna Post: రష్మిక మందన్న అటల్ సేతు వీడియోని షేర్ చేసిన ప్రధాని మోదీ, ప్రజలతో కనెక్ట్ కావడం కంటే సంతృప్తికరమైనది మరొకటి లేదంటూ రిప్లై

పుష్ప 2 నటి రష్మిక మందన్న ఇటీవలే కొత్తగా ప్రారంభించబడిన ట్రాన్స్ హార్బర్ లింక్, అటల్ బిహారీ వాజ్‌పేయి సేవరీ-నవ శేవ అటల్ సేతు వీడియోను పోస్ట్ చేసిన తర్వాత, ప్రధాని నరేంద్ర మోడీ దానిపై స్పందించారు.రష్మిక మందన్న పోస్ట్‌ను మళ్లీ షేర్ చేస్తూ, "ఖచ్చితంగా! వ్యక్తులను కనెక్ట్ చేయడం మరియు జీవితాలను మెరుగుపరచడం కంటే సంతృప్తికరమైనది మరొకటి లేదు" అని ప్రధాని బదులిచ్చారు.  దేశంలోనే అత్యంత పొడవైన సముద్రపు వంతెన అటల్‌ సేతును ప్రారంభించిన ప్రధాని మోదీ, వీడియో ఇదిగో..

భారత్‌లో సముద్రంపై నిర్మించిన అత్యంత పొడవైన వంతెన ‘అటల్ సేతు’పై ప్రముఖ సినీనటి రష్మిక మందన్న ప్రశంసలు కురిపించారు. ముంబై రవాణా వ్యవస్థ తీరును మార్చేసిన గేమ్ ఛేంజర్ గా వంతెనను అభవర్ణించారు. మోదీ దార్శనికతపై కూడా ప్రశంసలు కురిపించిన సంగతి విదితమే. ఒకప్పుడు రెండు గంటలుగా ఉన్న ప్రయాణ సమయం 20 నిమిషాలకు తగ్గిపోయింది. ఇది అస్సలు నమ్మశక్యంగా లేదు. అసలు ఇలాంటిది సాధ్యమని ఎవరైనా ఊహించారా? ముంబై నుంచి నవీ ముంబై వరకూ, ముంబై నుంచి బెంగళూరు వరకూ, గోవా నుంచి ముంబై వరకూ అద్భుత మౌలిక సదుపాయాల కల్పనతో ప్రతి ప్రయాణం సులువుగా సౌకర్యవంతంగా మారిపోయింది’’ అని అన్నారు. గతపదేళ్లలో దేశంలో ఎన్నో మార్పులు వచ్చాయని రష్మిక మందన్న అన్నారు. మౌలిక వసతుల కల్పన అద్భుతమని పేర్కొన్నారు.

Here's Tweet