Assam Floods: అస్సాం వరదల్లో వైరల్ అవుతున్న వీడియో, నడుం లోతు నీళ్లలో అప్పుడే పుట్టిన బిడ్డను ఎత్తుకుని వస్తున్న తండ్రి, ఇదే తండ్రి ప్రేమ అంటూ వైరల్

అస్సాంలో గత కొన్ని రోజులుగా కురిసిన వర్షాల వల్ల వరదలు బీభత్సం సృష్టించాయి. మొత్తం 36 జిల్లాలకు గానూ సుమారు 32 జిల్లాలు ఈ వరదలకు ప్రభావితమయ్యాయి. పైగా వరదలు, కొండచరియలు విరిగి పడటంతో దాదాపు 30 మంది మరణించారు.ఈ నేపథ్యంలో అక్కడ ప్రజలు ఎదుర్కొంటున్న విషాదకర ఘటనలను వీడియో తీస్తుంటే...ఒక ఆశ్చర్యకరమైన ఘటన వీడియోలో బంధింపబడింది. అందులో నడుములోతు నీటిలో ఒకవ్యక్తి అప్పుడే పుట్టిన నవజాత శిశువుని తీసుకుని వస్తున్నాడు. ఆ ఘటన చూస్తుంటే చిన్న కృష్ణుడిని ఎత్తుకుని యుమునా నదిని దాటిని వాసుదేవుడిలా అనిపించింది. పైగా ఆవ్యక్తి తన బిడ్డను చూసుకుని మురిసిపోతూ నడుం లోతు నీళ్లలో ఆనందంగా నడుస్తున్నాడు. ప్రస్తుతం ఈ వీడియో సోషల్‌ మీడియాలో తెగ వైరల్‌ అవుతోంది.