Coronavirus Vaccine: షాకింగ్ ఘటన, ఇతరుల కోసం ఏకంగా 8 సార్లు వ్యాక్సిన్ తీసుకున్నాడు. అయినా అతనికి ఏమీ కాలేదు, నిందితుడిని అరెస్ట్ చేసిన బెల్జియం పోలీసులు

బెల్జియంలో షాకింగ్ ఘటన నివేదించబడింది. ఓ వ్యక్తి ఇతరుల కోసం ఏకంగా 8 సార్లు కరోనా వ్యాక్సిన్ తీసుకున్నాడు. కరోనా వ్యాక్సిన్ తీసుకోవడం ఇష్టం లేని వారు ఇతనికి కొంత పరిహారం ఇచ్చి వ్యాక్సిన్ వేయించుకోమన్నారు. వారి తరపున ఇతను ఏకంగా 8 సార్లు వ్యాక్సిన్ వేయించుకున్నాడు. అయితే అతను తెలివిగా వారి ఐడీ కార్డులను ఇందుకు ఉపయోగించాడు.

బెల్జియంలోని వాలూన్ ప్రావిన్స్‌లో చార్లెరోయ్ నగరంలో నివసించే ఓ యువకుడు. వ్యాక్సిన్ తీసుకోకుండానే వ్యాక్సినేషన్ సర్టిఫికేట్ కావాలనుకునే వ్యక్తులను నిందితుడు సంప్రదించాడు. అందుకు వారి నుంచి పెద్ద మొత్తంలో డబ్బు తీసుకుంటున్నాడు. వ్యాక్సిన్‌ తీసుకున్నట్లు ధ్రువీకరణ పత్రం రాగానే డబ్బు ఇచ్చిన వారికి సర్టిఫికేట్‌ ముట్టజెప్పేవాడు. ఇలా ఇప్పటివరకు 8 సార్లు కొవిడ్‌ తీకా తీసుకున్నాడు. 9వ సారి కరోనా వ్యాక్సిన్‌ తీసుకునేందుకు టీకా కేంద్రానికి వచ్చి పట్టుబడ్డారు. నిందితుడితోపాటు వ్యాక్సిన్ తీసుకోవడానికి డబ్బు చెల్లించిన వారి పేర్లను బెల్జియం పోలీసులు వెల్లడించలేదు.

అతను 8 వ్యాక్సిన్లు తీసుకున్నప్పటికీ అతని ఆరోగ్యంలో ఎలాంటి మార్పు కనపడలేదు. అయినప్పటికీ, అతను తన చర్యల నుండి ప్రయోజనం పొందిన వ్యక్తులతో పాటు ఫోర్జరీ కోసం విచారణకు గురయ్యే ప్రమాదం ఉంది. దీంతో ఇతర వ్యక్తుల కోసం 8 సార్లు కోవిడ్ వ్యాక్సిన్ తీసుకున్న వ్యక్తిని పోలీసులు అరెస్టు చేశారు.