Delhi Crime: ఇల్లు శుభ్రం చేసే విషయంలో దంపతుల మధ్య గొడవ.. మాటామాట పెరగడంతో భర్త చెవి కొరికేసిన భార్య.. ఢిల్లీలో ఘటన
ఓ మహిళ తీవ్ర ఆగ్రహంతో తన భర్త కుడి చెవిని కొరికింది. అనూహ్య పరిణామంతో తీవ్రంగా గాయపడ్డ బాధితుడు భార్యపై కేసు పెట్టాడు. ఢిల్లీలోని సుల్తాన్‌ పురి ప్రాంతంలో ఆదివారం ఈ ఘటన వెలుగుచూసింది.
Newdelhi, Nov 27: ఓ మహిళ తీవ్ర ఆగ్రహంతో తన భర్త కుడి చెవిని కొరికింది. అనూహ్య పరిణామంతో తీవ్రంగా గాయపడ్డ బాధితుడు భార్యపై కేసు పెట్టాడు. ఢిల్లీలోని (Delhi) సుల్తాన్‌ పురి ప్రాంతంలో ఆదివారం ఈ ఘటన వెలుగుచూసింది. నవంబర్ 20న ఉదయం 9.20 గంటల సమయంలో ఇంట్లోని (House) చెత్త పడేయడానికి బయటకు వెళ్లానని, తిరిగి వచ్చేసరికి ఇల్లు శుభ్రం చేయాలని చెప్పినా ఆమె పట్టించుకోలేదని చెప్పాడు. పైగా అకారణంగా తనతో గొడవ పడిందని, ఇల్లు అమ్మి సగం వాటా ఇస్తే పిల్లలతో వేరు కాపురం పెడతానని డిమాండ్ చేసిందని ఫిర్యాదులో బాధితుడు వాపోయాడు. ఆమెకు అర్థమయ్యేలా చెప్పడానికి ప్రయత్నించినా ఫలితం దక్కలేదని, ఇద్దరి మధ్య ఘర్షణ ముదురుతుండడంతో ఆమెను పక్కకు నెట్టి బయటకు వెళ్తుండగా వెనుక నుంచి పట్టుకొని కుడి చెవిని బలంగా కొరికిందని బాధితుడు ఫిర్యాదులో పేర్కొన్నాడు.