Hyderabad: షాకింగ్ వీడియో, పోలీసుల ముందే బైక్‌ని తగలబెట్టిన వాహనాదారుడు, కారణం రాంగ్ రూట్లో వెళుతుంటే పోలీసులు ఆపారట

హైదరాబాద్‌ పోలీసులకు ఓ వాహనదారుడు ఝలక్‌ ఇచ్చాడు. పోలీసులు బైక్‌ ఆపారని ఏకంగా.. తన బైక్‌ ను తగలబెట్టాడు. ఈ ఘటన మైత్రివనం కూడలి దగ్గర చోటు చేసుకుంది. దీనికి సంబంధించిన వీడియో సోషల్ మీడియాలో వైరల్ అవుతోంది. ఎల్లారెడ్డి గూడకు చెందిన అశోక్‌ అనే వ్యక్తి.. మైత్రివనం కూడలి వైపునకు వచ్చాడు. అయితే.. అశోక్‌ రాంగ్‌ రూట్‌ లో వెళ్లడంతో.. పోలీసులు అశోక్‌ ద్విచక్ర వాహనాన్ని ట్రాఫిక్ పోలీసులు ఆపారు. దీంతో ఆగ్రహానికి గురైన అశోక్‌… తన ద్విచక్ర వాహనాన్ని తానె పెట్రోల్ పోసి నిప్పంటించాడు. దీంతో పోలీసులు షాక్‌ గురయ్యారు. ప్రస్తుతం అశోక్‌ పోలీసుల అదుపులో ఉన్నాడు.