Lip-Lock Challenge in Karnataka: లిప్ లాక్ ఛాలెంజ్ దుమారం, కర్ణాటకలో నడి రోడ్డు మీద కిస్సింగ్ ఛాలెంజ్ విసిరిన విద్యార్థులు, 8 మందిని అరెస్ట్ చేసిన పోలీసులు
కర్ణాటక మంగళూరులో ప్రముఖ కాలేజీ విద్యార్థులు.. యువతీ యువకులు నడిరోడ్డుపై పోటీపడి ముద్దులు పెట్టుకోగా.. మిగిలిన వారు చుట్టూ చేరి కేరింతలు కొడుతూ వారిని ‘ఎంకరేజ్ ’ చేశారు. సోషల్ మీడియాలో వీడియో వైరల్ అయింది. దీంతో రంగంలోకి దిగిన పోలీసులు 8 మందిని అరెస్ట్ చేశారు.
కర్ణాటక మంగళూరులో ప్రముఖ కాలేజీ విద్యార్థులు.. యువతీ యువకులు నడిరోడ్డుపై పోటీపడి ముద్దులు పెట్టుకోగా.. మిగిలిన వారు చుట్టూ చేరి కేరింతలు కొడుతూ వారిని ‘ఎంకరేజ్ ’ చేశారు. సోషల్ మీడియాలో వీడియో వైరల్ అయింది. దీంతో రంగంలోకి దిగిన పోలీసులు 8 మందిని అరెస్ట్ చేశారు. ఈ వీడియోలో ‘దమ్ముంటే మీరు కూడా ఇలా చేయండి’ అంటూ తోటి విద్యార్థులకు సవాల్ విసిరారు. లిప్ లాక్ ఛాలెంజ్ పేరిట చేసిన ఈ రచ్చతో ఆ కాలనీవాసులు తీవ్ర ఇబ్బంది పడ్డారు.
అక్కడున్న ఓ ఇంట్లోని వ్యక్తి ఇదంతా వీడియో తీసి సోషల్ మీడియాలో పోస్ట్ చేశారు. అతి తక్కువ సమయంలోనే వైరల్ అయిన ఈ దృశ్యాలు.. దక్షిణ కన్నడ జిల్లా వ్యాప్తంగా దుమారం రేపాయి. వెంటనే పోలీసులు రంగంలోకి దిగారు. వీడియోలో ముద్దులు పెడుతూ కనిపించిన విద్యార్థులను అరెస్ట్ చేశారు. ఆ సమయంలో అక్కడున్న వారు డ్రగ్స్ సేవించి ఉన్నారా? అనే కోణంలోనూ పోలీసులు దర్యాప్తు చేస్తున్నారు.