Odisha: షాకింగ్ వీడియో, సీటి స్కాన్ చేయడంలో ఆలస్యం, డాక్టర్‌ని చెప్పుతో కొట్టిన పేషెంట్, సోషల్ మీడియాలో వైరల్ అవుతున్న సీసీ టీవీ పుటేజీ
ఒడిశాలోని సంబ‌ల్పూర్ ప‌ట్ట‌ణంలోని ఓ ప్రైవేట్ ల్యాబ్‌లో సీటి స్కాన్ చేయడంలో తీవ్ర జాప్యం చేశాడ‌నే కోపంతో డాక్ట‌ర్‌ను చెప్పుతో కొట్టిన వ్యాపారిని ఒడిషా పోలీసులు అదుపులోకి తీసుకున్నారు.
ఒడిశాలోని సంబ‌ల్పూర్ ప‌ట్ట‌ణంలోని ఓ ప్రైవేట్ ల్యాబ్‌లో సీటి స్కాన్ చేయడంలో తీవ్ర జాప్యం చేశాడ‌నే కోపంతో డాక్ట‌ర్‌ను చెప్పుతో కొట్టిన వ్యాపారిని ఒడిషా పోలీసులు అదుపులోకి తీసుకున్నారు.ఈ ఘటన అక్క‌డి సీసీటీవీలో రికార్డ‌యింది. వైరల్ వీడియో ప్రకారం.. వైద్యుడి సిఫార్సు మేర‌కు నిందితుడు న‌ట‌బ‌ర్ బంక సీటీ స్కాన్ కోసం ప్రైవేట్ ల్యాబ్‌కు వెళ్లాడు.
సీటీ స్కాన్ కోసం రిజిస్ట్రేష‌న్ ఫీజు చెల్లించిన అనంత‌రం క్యూలో వేచిఉన్నాడు. గంట‌ల త‌ర‌బ‌డి క్యూలో నిలుచున్నా చాలా సేపు వేచిఉండాల్సి రావ‌డంతో స‌హ‌నం కోల్పోయిన న‌ట‌బ‌ర్ ఆస్ప‌త్రి సిబ్బంది ఎదుటే డాక్ట‌ర్‌ను చెప్పుతో కొట్టాడు.నిందితుడి దాడితో డాక్ట‌ర్ చిదానంద మిశ్రా పోలీసుల‌కు ఫిర్యాదు చేశారు. ఘ‌ట‌నా స్ధ‌లానికి చేరుకున్న పోలీసులు సీసీటీవీ ఫుటేజ్‌ను ప‌రిశీలించిన అనంత‌రం నిందితుడిని అదుపులోకి తీసుకున్నారు.