Covid in Tamil Nadu: మాస్కు వేసుకోండి నయనా, మాస్క్ లేకుండా తిరుగుతున్న వారికి స్వయంగా మాస్కులు తొడిగిన తమిళనాడు సీఎం ఎంకే స్టాలిన్

తమిళనాడు ముఖ్యమంత్రి ఎంకేస్టాలిన్‌ మంగళవారం చెన్నై వీధుల్లో మాస్కులు పంపిణీ చేస్తూ కనిపించారు. రాష్ట్రం‍లో కరోనా కేసులు (Covid in Tamil Nadu) రోజురోజుకూ పెరుగుతున్న నేపథ్యంలో.. సీఎం స్టాలిన్‌ మంగళవారం పార్టీ కార్యాలయం నుంచి క్యాంపు కార్యాలయానికి తిరిగి వెళ్తుండగా, కొంతమంది బహిరంగంగా మాస్కులు ధరించకపోవడాన్ని గమనించారు. వెంటనే రోడ్‌ పైనే కారు ఆపిన సీఎం (Tamil Nadu Chief Minister MK Stalin) స్థానికంగా ఉన్న వారికి స్వయంగా మాస్కులు అందజేశారు. ఈ సందర్భంగా అందరూ మాస్క్‌లు ధరించాలంటూ సీఎం స్టాలిన్‌ విజ్ఞప్తి చేశారు. దీనికి సంబంధించిన వీడియోను సీఎం స్టాలిన్‌ తన ట్విటర్‌ ఖాతాలో పోస్ట్‌ చేశారు. ఇందులో ముఖ్యమంత్రే కొందరికి మాస్క్‌ పెడుతూ కనపడుతున్నారు.