Cricketer Asif Hossain Dies: మెట్లపై నుంచి కిందపడి వర్థమాన భారత క్రికెటర్ అసిఫ్ హొసేన్ మృతి, సంతాపం తెలిపిన బెంగాల్ క్రికెట్
బెంగాల్కు చెందిన క్రికెటర్ అసిఫ్ హొసేన్ (Asif Hossain) అనుకోకుండా సొంత ఇంటి మెట్ల పైనుంచి ప్రమాదవశాత్తూ కింద పడి ప్రాణాలు కోల్పోయాడు. 28 ఏండ్ల వయసులోనే ఆసిఫ్ ఈ లోకాన్ని వీడడం పట్ల బెంగాల్ క్రికెట్ అసోసియేషన్తో పాటు పలువురిని షాక్కు గురి చేసింది. అసిఫ్ మరణవార్త తెలిసిన క్రికెటర్లు అతడి కుటుంబానికి ప్రగాఢ సానుభూతి తెలుపుతున్నారు.బెంగాల్లోని ఇంట్లో అసిఫ్ సోమవారం మెట్ల పైనుంచి జారి కింద పడ్డాడు. తీవ్ర గాయాలపాలైన అతడిని కుటుంబ సభ్యులు సమీపంలోని ప్రైవేట్ దవాఖానకు తరలించారు. అయితే.. అప్పటికే అసిఫ్ మరణించాడని వైద్యులు చెప్పారు. ఎడమచేతి వాటం బ్యాటర్ అయిన అతడు టీ20 లీగ్లో 37 బంతుల్లోనే అర్ధ శతకంతో చెలరేగాడు. అతడి అకాల మరణం పట్ల బెంగాల్ క్రికెట్ దిగ్భ్రాంతి వ్యక్తం చేసింది.
Here's News