IPL 2022: పోనీలే.. మరోసారి నన్ను అవుట్ చేయడానికి ట్రై చెయ్‌, చహల్‌కు హగ్‌ ఇచ్చి ఓదార్చిన సూర్యకుమార్‌

ఐపీఎల్‌ 2022లో భాగంగా శనివారం రాత్రి ముంబై ఇండియన్స్‌, రాజస్తాన్‌ రాయల్స్‌ మధ్య ఆసక్తికర ఘటన చోటుచేసుకుంది. ఇన్నింగ్స్‌ 8వ ఓవర్‌ చహల్‌ వేశాడు. ఆ ఓవర్‌ చివరి బంతిని సూర్యకుమార్‌ స్వీప్‌షాట్‌ ఆడే ప్రయత్నం చేయగా మిస్‌ అయింది. దీంతో బంతి సూర్య ప్యాడ్లను తాకుతూ వెళ్లింది. చహల్‌ ఔట్‌ అప్పీల్‌ చేయగా.. ఫీల్డ్‌ అంపైర్‌ ఔట్‌ ఇవ్వలేదు. దీంతో చహల్‌ డీఆర్‌ఎస్‌ కోరాడు. అయితే రిప్లేలోనూ బంతి ప్యాడ్లను తాకుతూ ఆఫ్‌స్టంప్‌ పైనుంచి వెళుతున్నట్లు కనిపించింది. దీంతో థర్డ్‌​అంపైర్‌ కూడా నాటౌట్‌ ప్రకటించాడు. థర్డ​ అంపైర్‌ నిర్ణయంతో షాక్‌ తిన్న చహల్‌ నిరాశకు గురయ్యాడు. ఆ తర్వాత సూర్యకుమార్‌ వచ్చి చహల్‌కు హగ్‌ ఇచ్చి ''పోనీలే.. మరోసారి ట్రై చెయ్‌'' అంటూ ఓదార్చాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది.