IPL vs PSL: రూ. 16 కోట్లకు మీ పాకిస్తాన్‌లో ఏ ఆటగాడినైనా కొంటారా, రమీజ్ రాజా వ్యాఖ్యలకు కౌంటర్ విసిరిన టీమిండియా మాజీ క్రికెటర్ ఆకాశ్ చోప్రా

ఐపీఎల్ కు దీటుగా పాకిస్థాన్ సూపర్ లీగ్ (పీఎస్ఎల్)ను తీర్చిదిద్దుతామని, వచ్చే ఏడాది నుంచి తాము సైతం ఆటగాళ్ల వేలం నిర్వహించాలని అనుకుంటున్నట్టు పీసీబీ చైర్మన్ రమీజ్ రాజా (Ramiz Raja) చేసిన ప్రకటనపై టీమిండియా మాజీ క్రికెటర్ ఆకాశ్ చోప్రా (Aakash Chopra) స్పందించాడు. పీఎస్ ఎల్ మాత్రమే కాదు.. ప్రపంచంలో ఏ ఇతర క్రికెట్ లీగ్ అయినా, బిగ్ బాష్ లీగ్ సహా ఐపీఎల్ స్థాయిని అందుకోలేదు. భారత్ లో ఐపీఎల్ కు భారీ వీక్షకులు ఉండడమే కాదు. ఆర్థికంగా పటిష్ఠంగా ఉన్న లీగ్ ఐపీఎల్’’అంటూ ఐపీఎల్ తో పోటీపడడం ఎవరి తరమూ కాదన్నట్టు ఆకాశ్ చోప్రా తన అభిప్రాయం వ్యక్తం చేశాడు.

PSL వేలం జరిగినా అక్కడ ఏ ఆటగాడు కూడా 16 కోట్ల ధరకు విక్రయించబడడు అని పాకిస్తాన్ మాజీ క్రికెటర్ వ్యాఖ్యకు చోప్రా బదులిచ్చారు. PSLలో 16 కోట్లకు అమ్ముడుపోయిన ఆటగాడు మీరు చూడలేరు. అది సాధ్యం కాదు. మార్కెట్ డైనమిక్స్ అలా జరగడానికి అనుమతించదు. అంత సింపుల్ గా" అని తన యూట్యూబ్ ఛానెల్‌లో చెప్పాడు.