ICC ODI Bowlers Rankings: మళ్లీ నంబర్ వన్ స్థానానికి వచ్చేసిన సిరాజ్, ఏకంగా 8 స్థానాలు ఎగబాకి ఫస్ట్ ప్లేస్, ఐసీసీ తాజా వన్డే బౌలింగ్‌ ర్యాంకింగ్స్‌ ఇవిగో..
ఆసియా కప్-2023 ఫైనల్లో అద్భుత ప్రదర్శనతో సంచలన రికార్డులు నమోదు చేయడంతో పాటు బౌలింగ్‌ ర్యాంకింగ్స్‌లో ఏకంగా 8 స్థానాలు ఎగబాకాడు.
టీమిండియా స్టార్‌ పేసర్‌ మహ్మద్‌ సిరాజ్ ఐసీసీ తాజా వన్డే ర్యాంకింగ్స్‌లో మరోసారి ప్రపంచ నెంబర్‌ 1 బౌలర్‌గా అవతరించాడు. ఆసియా కప్-2023 ఫైనల్లో అద్భుత ప్రదర్శనతో సంచలన రికార్డులు నమోదు చేయడంతో పాటు బౌలింగ్‌ ర్యాంకింగ్స్‌లో ఏకంగా 8 స్థానాలు ఎగబాకాడు. ఆస్ట్రేలియా బౌలర్‌ జోష్‌ హాజిల్‌వుడ్‌ని వెనక్కినెట్టి 694 రేటింగ్‌ పాయింట్లతో టాప్‌-1లోకి దూసుకువచ్చాడు. శ్రీలంకతో ఆసియా వన్డే కప్ ఫైనల్లో సిరాజ్ ఒకే ఓవర్లో నాలుగు వికెట్లు తీసిన ఈ హైదరాబాదీ స్టార్‌.. మరో రెండు వికెట్లు కూడా పడగొట్టాడు.
గా ఈ ఏడాది ఆరంభంలో సిరాజ్ మొట్టమొదటి సారి వరల్డ్ నంబర్ 1 ర్యాంకు దక్కించుకున్న విషయం తెలిసిందే. ఇదిలా ఉంటే.. ఆసియా టోర్నీ తాజా ఎడిషన్‌లో సిరాజ్ 12.2 సగటుతో మొత్తంగా 10 వికెట్లు తన ఖాతాలో వేసుకున్నాడు.
ఐసీసీ తాజా వన్డే బౌలింగ్‌ ర్యాంకింగ్స్‌ టాప్‌-5లో ఉన్నది వీళ్లే
1. మహ్మద్‌ సిరాజ్- ఇండియా- 694 పాయింట్లు
2. జోష్‌ హాజిల్‌వుడ్‌- ఆస్ట్రేలియా- 678 పాయింట్లు
3. ట్రెంట్‌ బౌల్ట్‌- న్యూజిలాండ్‌- 677 పాయింట్లు
4. ముజీబ్‌ ఉర్‌ రెహమాన్‌- అఫ్గనిస్తాన్‌- 657 పాయింట్లు
5. రషీద్‌ ఖాన్‌- అఫ్గనిస్తాన్‌- 655 పాయింట్లు.
Here's News