Rinku Singh Apologises Video: వీడియో ఇదిగో, అద్దం పగిలినందుకు క్షమాపణలు చెప్పిన రింకూ సింగ్‌, సో క్యూట్‌ రింకూ అంటూ నెటిజన్లు ప్రశంసల జల్లు
ఆ బంతిని సిక్సర్‌గా మలచాలని మాత్రమే భావించాను. నా షాట్‌ కారణంగా అద్దం పగిలిపోయిందని నాకు తెలియదు. ఆ విషయం గురించి ఇప్పుడే తెలిసింది. గ్లాస్‌ బ్రేక్‌ చేసినందుకు సారీ చెబుతున్నా’’ అని రింకూ సింగ్‌ పేర్కొన్నాడు.
టీమిండియా తరఫున టీ20లలో అదరగొడుతున్న యువ బ్యాటర్‌ రింకూ సింగ్‌ సారీ చెప్పాడు. ఇంతకీ విషయం ఏంటంటే..పందొమ్మిదవ ఓవర్లో మార్క్రమ్‌ బౌలింగ్‌లో రింకూ స్ట్రెయిట్‌ హిట్‌ కారణంగా సైట్‌స్క్రీన్‌ బ్రేక్‌ అయిపోయింది. ఇందుకు సంబంధించిన వీడియో నెట్టింట వైరల్‌గా మారింది. ఈ విషయం గురించి మ్యాచ్‌ అనంతరం స్పందించిన రింకూ సింగ్‌.. స్టేడియం నిర్వాహకులకు క్షమాపణలు చెప్పాడు.
ఈ మేరకు బీసీసీఐ విడుదల చేసిన వీడియోలో తన ప్రదర్శన గురించి మాట్లాడుతున్న సమయంలో.. ‘‘ఆ బంతిని సిక్సర్‌గా మలచాలని మాత్రమే భావించాను. నా షాట్‌ కారణంగా అద్దం పగిలిపోయిందని నాకు తెలియదు. ఆ విషయం గురించి ఇప్పుడే తెలిసింది. గ్లాస్‌ బ్రేక్‌ చేసినందుకు సారీ చెబుతున్నా’’ అని రింకూ సింగ్‌ పేర్కొన్నాడు. ఈ వీడియో చూసిన నెటిజన్లు.. ‘‘సో క్యూట్‌ రింకూ.. నీ ఆటతోనే కాదు అమాయకత్వపు, హుందాతనపు మాటలతోనూ మా మనసులు దోచుకున్నావు’’ అంటూ కామెంట్లు చేస్తున్నారు.
Here's Video