Collector Gandham Chandrudu: మండుటెండలో చెప్పుల్లేకుండా పలుగు పార పట్టిన కలెక్టర్ గంధం చంద్రుడు, ఉపాధి హామీ పనులను క్షేత్ర స్థాయిలో పరిశీలించిన అనంతపురం జిల్లా కలెక్టర్

చెప్పులేసుకోకుండా మండుటెండలో గడ్డపార చేతపట్టి మట్టి తవ్వతూ కూలీల్లో అనంతపురం జిల్లా కలెక్టర్ గంధం చంద్రుడు ఉత్సాహం నింపారు. వేసవి కాలంలో గ్రామీణ ప్రాంతాల్లో జరుగుతున్న ఉపాధి హామీ పనులను ఆయన ఇవాళ క్షేత్ర స్థాయిలో పర్యటించి పరిశీలించారు.ఆత్మకూరు మండలం వడ్డిపల్లిలో జరుగుతున్న పనులను పరిశీలించిన కలెక్టర్ (Collector Gandham Chandrudu) కూలీలను అడిగి పలు అంశాలపై ఆరా తీశారు. పనులు (MGNREGA Work in Anantapur) ప్రతి రోజు కల్పిస్తున్నారా ?, క్రమం తప్పకుండా డబ్బులు అందిస్తున్నారా? అని కూలీలను అడిగారు. అనంతరం కూలీల్లో ఉత్సాహం నింపేందుకు పలుగుపార చేతబట్టి ఉపాధి పనులు చేశారు.