CM KCR Delhi Tour: ఢిల్లీకి చేరుకున్న సీఎం కేసీఆర్, రెండు మూడు రోజులు దేశ రాజధానిలోనే, వివిధ రాజ‌కీయ పార్టీల నేత‌ల‌తో భేటీ అయి దేశ రాజ‌కీయాల‌పై చర్చలు

ఢిల్లీ పర్యటన కోసం ముఖ్యమంత్రి కే చంద్రశేఖర్‌రావు సోమవారం సాయంత్రం బేగంపేట విమానాశ్రయం నుంచి బయలుదేరి దేశ రాజధానికి చేరుకున్నారు. సీఎం వెంట ప్రభుత్వ ప్రధాన కార్యదర్శి సోమేశ్‌కుమార్‌, ఎంపీలు సంతోష్‌కుమార్‌, జీ రంజిత్‌రెడ్డి, ఎల్బీనగర్‌ ఎమ్మెల్యే సుధీర్‌రెడ్డి, టీఆర్‌ఎస్‌ ప్రధాన కార్యదర్శి రావుల శ్రవణ్‌కుమార్‌రెడ్డి, కరీంనగర్‌ మాజీ మేయర్‌ రవీందర్‌సింగ్‌ తదితరులు ఉన్నారు.ఢిల్లీ ప‌ర్య‌ట‌న‌లో భాగంగా ముఖ్య‌మంత్రి కేసీఆర్ వివిధ రాజ‌కీయ పార్టీల నేత‌ల‌తో భేటీ అవుతారు. సీఎం కేసీఆర్ ఢిల్లీలోనే రెండు మూడ్రోజులు ఉండ‌నున్నారు. జాతీయ స్థాయి నాయ‌కుల‌ను క‌లువ‌నున్నారు. భార‌త‌దేశం ఎదుర్కొంటున్న స‌మ‌స్య‌ల‌పై చ‌ర్చించున్నారు. ప్ర‌స్తుత దేశ రాజ‌కీయాల‌పై వారితో మాట్లాడ‌నున్నారు.