Telangana: తెలంగాణ‌లో పెట్టుబ‌డులు పెట్టేందుకు అంగీకారం తెలిపిన స్విస్ రే కంపెనీ, కేటీఆర్‌తో స‌మావేశ‌మై ప‌లు అంశాల‌పై చర్చ

160 ఏండ్ల నాటి బీమా సంస్థ స్విస్ రే కంపెనీ తెలంగాణ‌లో పెట్టుబ‌డులు పెట్టేందుకు అంగీకారం తెలిపింది. ఈ సంద‌ర్భంగా ఆ కంపెనీ ప్ర‌తినిధులు కేటీఆర్‌తో స‌మావేశ‌మై ప‌లు అంశాల‌పై చ‌ర్చించారు. ఈ ఆగ‌స్టులో హైద‌రాబాద్‌లో స్విస్ రే కంపెనీ త‌మ కార్య‌క‌లాపాల‌ను ప్రారంభించ‌నుంద‌ని మంత్రి కేటీఆర్ తెలిపారు. హైద‌రాబాద్‌లో ఈ కంపెనీ 250 మందితో ప్రారంభం కానుంద‌ది. డాటా, డిజిట‌ల్ కెప‌బిలిటీస్, ప్రొడ‌క్ట్ మోడ‌లింగ్, రిస్క్ మేనేజ్‌మెంట్ పై దృష్టి సారించ‌నుంది. ఈ సంద‌ర్భంగా స్విస్ రే కంపెనీ ప్ర‌తినిధుల‌కు కేటీఆర్ ప్ర‌త్యేక కృత‌జ్ఞ‌త‌లు తెలిపారు. స్విట్జ‌ర్లాండ్‌లోని జ్యురిచ్ కేంద్రంగా.. ప్ర‌పంచంలోని 80 ప్రాంతాల్లో స్విస్ రే కంపెనీ త‌మ కార్య‌క‌లాపాల‌ను కొన‌సాగిస్తోంది.