52 Lac Sim Deactivated By Center: 52 లక్షల సిమ్ కార్డులను డియాక్టివేట్ చేసిన మోదీ సర్కారు, బ్లాక్ లిస్టులో 67,000 మంది డీలర్లు, కీలక వివరాలను వెల్లడించిన కేంద్ర మంత్రి అశ్విని వైష్ణవ్

సైబర్ మోసాలను అరికట్టడానికి ఉద్దేశించిన ఒక చర్యలో, బల్క్ సిమ్ కనెక్షన్‌లను నిలిపివేసినట్లు కేంద్రం గురువారం ప్రకటించింది. సిమ్ కార్డులతో వ్యవహరించే డీలర్లు తప్పనిసరిగా పోలీసు ధృవీకరణను పొందవలసి ఉంటుందని తెలిపింది. కేంద్ర మంత్రి అశ్విని వైష్ణవ్ గురువారం మాట్లాడుతూ సంచార్ సాథీ పోర్టల్ ప్రారంభించినప్పటి నుండి, కేంద్ర ప్రభుత్వం 52 లక్షల మొబైల్ ఫోన్ కనెక్షన్‌లను మోసపూరితంగా పొందినట్లు గుర్తించి, డీయాక్టివేట్ చేసిందని తెలిపారు.

ఈ విషయమై సెంట్రల్ అశ్విని వైష్ణబ్ విలేకరుల సమావేశంలో మాట్లాడుతూ, "సంచార్ సతి పోర్టల్ ప్రారంభించినప్పటి నుండి, మేము 52 లక్షల నకిలీ కనెక్షన్‌లను గుర్తించి వాటిని నిలిపివేసాము. అంతేకాకుండా, మేము మొబైల్ సిమ్ కార్డులను విక్రయిస్తున్న 67,000 మంది డీలర్లను కూడా బ్లాక్‌లిస్ట్ చేసామని తెలిపారు.

వెరిఫికేషన్ మరియు రిజిస్ట్రేషన్ తర్వాత వ్యాపార కనెక్షన్లకు మాత్రమే ఇప్పుడు బల్క్ సేల్స్ అనుమతించబడతాయని మంత్రి తెలిపారు. వ్యాపార కనెక్షన్ల కోసం కూడా, ప్రతి సిమ్‌కు KYC అందించాల్సిన అవసరం ఉందని ఆయన అన్నారు. చాలా మంది సిమ్ కార్డులను పెద్దమొత్తంలో కొనుగోలు చేస్తారని, అయితే 20 శాతం కార్డులు దుర్వినియోగం అవుతున్నాయని, 80 శాతం మాత్రమే వాడకం జరుగుతుందని తెలిపారు.

Here's ANI VIdeo