Cancer Cells: అమైనోసియానైన్‌ అణువులతో క్యాన్సర్‌ కణాలు 99% అంతం.. కొత్త పద్ధతిని అభివృద్ధి చేసిన పరిశోధకులు
ఈ అణువులను సాధారణంగా బయో ఇమేజింగ్‌ లో సింథటిక్‌ రంగులుగా వాడతారు.
Hyderabad, Dec 29: అమైనోసియానైన్‌ (Aminocyanine) అణువులను ఉపయోగించి క్యాన్సర్‌ కణాలను (Cancer Cells) తొలగించే కొత్త పద్ధతిని శాస్త్రవేత్తలు కనుగొన్నారు. ఈ అణువులను సాధారణంగా బయో ఇమేజింగ్‌ లో సింథటిక్‌ రంగులుగా వాడతారు. సైన్స్ అలర్ట్‌ జర్నల్‌ లో ప్రచురితమైన పరిశోధన ప్రకారం ఈ అణువులను పరారుణ కాంతికి దగ్గరగా ఉద్దీపనం చేసినప్పుడు క్యాన్సర్‌ కణాలను విచ్ఛిన్నం చేసే సామర్థ్యాన్ని పొందుతాయి. రైస్‌ యూనివర్సిటీ కెమిస్ట్‌ జేమ్స్‌ టూర్‌ ప్రకారం మాలిక్యూలర్‌ జాకమర్స్‌ గా పిలిచే ఈ అణువులు ఫెరింగా టైప్‌ మోటార్స్‌ అణువులతో పోలిస్తే పది లక్షల రెట్లు వేగంగా యాంత్రిక చలనంలో పనిచేస్తాయి. వీటిని పరారుణ కాంతికి దగ్గరగా ఉపయోగించడం వల్ల శరీరం లోపలికి వ్యాప్తి చెందుతాయి. ఎముకలు, అవయవాల క్యాన్సర్‌ చికిత్సలో శస్త్ర చికిత్సల అవసరాన్ని ఈ కొత్త పద్ధతి తగ్గిస్తుంది. ఈ కొత్త పద్ధతిని ఎలుకలపై ప్రయోగించినప్పుడు విజయవంతమైంది. అమైనోసియానిన్‌ అణువులు కదిలినప్పుడు అందులోని ఎలక్ట్రాన్లు ప్లాస్మాన్లను ఏర్పరుస్తాయి. ఈ ప్లాస్మాన్లు ప్రకంపనల ద్వారా క్యాన్సర్‌ కణాలను అంతం చేస్తాయి. అయితే ఈ ప్రయోగాలు ఇంకా ప్రారంభ దశలోనే ఉన్నాయి.
(ట్విట్టర్, ఇన్‌స్టాగ్రామ్ మరియు యూట్యూబ్‌తో సహా సోషల్ మీడియా ప్రపంచం నుండి సరికొత్త బ్రేకింగ్ న్యూస్, వైరల్ వార్తలకు సంబంధించిన సమాచారం సోషల్ మీడియా మీకు అందిస్తోంది. పై పోస్ట్ యూజర్ యొక్క సోషల్ మీడియా ఖాతా నుండి నేరుగా పొందుపరచడం జరిగింది. లేటెస్ట్‌లీ సిబ్బంది ఈ కంటెంట్ బాడీని సవరించలేదు లేదా సవరించకపోవచ్చు. సోషల్ మీడియా పోస్ట్‌లో కనిపించే అభిప్రాయాలు మరియు వాస్తవాలు లేటెస్ట్‌లీ అభిప్రాయాలను ప్రతిబింబించవు, అలాగే లేటెస్ట్‌లీ దీనికి ఎటువంటి బాధ్యత వహించదు.)