US: అమెరికాలో తీవ్ర విషాదం, గోల్డెన్ గేట్‌ బ్రిడ్జి పైనుంచి దూకి ఆత్మహత్య చేసుకున్న ఇండియన్‌ అమెరికన్‌, ఇప్పటివరకు ఆ బ్రిడ్జ్ మీద నుంచి 2వేల మంది ఆత్మహత్య
వంతెనపై అతని సైకిల్, ఫోన్, బ్యాగ్ లభ్యమయ్యాయని అమెరికా కోస్టల్‌ గార్డ్స్‌ అధికారులు తెలిపారు
అమెరికాలోని భారత సంతతికి చెందిన యువకుడు శాన్‌ఫ్రాన్సిస్కోలోని ప్రసిద్ధ గోల్డెన్ గేట్‌ బ్రిడ్జి పైనుంచి దూకి బలవన్మరణానికి పాల్పడ్డాడు. వంతెనపై అతని సైకిల్, ఫోన్, బ్యాగ్ లభ్యమయ్యాయని అమెరికా కోస్టల్‌ గార్డ్స్‌ అధికారులు తెలిపారు. గోల్డెన్ బ్రిడ్జిపై నుంచి దూకి ఓ భారతీయ అమెరికన్‌ ఆత్మహత్యాయత్నానికి పాల్పడటం ఇది నాలుగోసారని ఎన్నారై అజయ్ జైన్ భూటోరియా తెలిపారు. కాగా, 1937లో ప్రారంభమైన ఈ బ్రిడ్జిపై నుంచి ఇప్పటివరకు 2 వేల మంది ఆత్మహత్య చేసుకున్నారు. తరచూ ఇక్కడ ఆత్మహత్య కేసులు నమోదవుతుండటంతో వంతెనకు ఇరువైపులా 20 అడుగుల వెడల్పుతో ఇనుప మెష్‌ను అక్కడి ప్రభుత్వం నిర్మిస్తోంది.