China Ship Rams Bridge Video: చైనాలో ఘోర ప్రమాదం వీడియో ఇదిగో, పెరల్‌ నదిపై నిర్మించిన వంతెనను ఢీ కొట్టిన భారీ నౌక, నదిలో బస్సులు, కార్లు పడిపోవడంతో ఇద్దరు మృతి

చైనాలోఘోర ప్రమాదం చోటు చేసుకుంది. గ్వాంగ్జూ నగరంలోని పెరల్‌ నదిపై నిర్మించిన ఓ వంతెనను భారీ రవాణా నౌక (cargo ship) ఢీ కొట్టింది (Ship rams bridge). దీంతో నౌక ఢీ కొన్న ప్రదేశంలో వంతెన విరిగి నదిలో పడిపోయింది. ఈ ఘటనలో ఇద్దరు వ్యక్తులు ప్రాణాలు కోల్పోగా.. ముగ్గురు గల్లంతయ్యారు. తెల్లవారుజామున 5 గంటల ప్రాంతంలో ఓ భారీ రవాణా నౌక ఫోషన్‌ (Foshan) నుంచి గ్వాంగ్జూ (Guangzhou) వైపు ప్రయాణిస్తూ మార్గం మధ్యలో ఉన్న లిక్సింషా వంతెనను ( Lixinsha Bridge) బలంగా ఢీ కొట్టింది.

దీంతో నౌక ఢీకొన్న ప్రదేశంలో వంతెన విరిగిపోయింది. నౌక వంతెన మధ్యలోనే చిక్కుకుపోయింది.వంతెన కూలిపోవడంతో దానిపై ప్రయాణిస్తున్న ఒక బస్సు సహా ఐదు వాహనాలు నదిలో పడిపోయాయి. ఈ ఘటనలో ఇద్దరు వ్యక్తులు చనిపోగా.. ఓ వ్యక్తి గాయపడ్డాడు. మరో ముగ్గురు నదీ ప్రవాహంలో గల్లంతయ్యారు. ప్రమాద సమయంలో వంతెనపై ట్రాఫిక్‌ తక్కువగా ఉండటంతో పెను ప్రమాదం తప్పింది. ప్రమాదానికి కారణమైన నౌక కెప్టెన్‌ను పోలీసులు అదుపులోకి తీసుకున్నారు.

Here's Video