Earthquake in New Zealand: న్యూజిలాండ్‌ దేశాన్ని వణికించిన భూకంపం, రిక్టరు స్కేలుపై తీవ్రత 6.1గా నమోదు, భయంతో పరుగులు పెట్టిన ప్రజలు

న్యూజిలాండ్‌ దేశాన్ని ఓ వైపు వరదలు, మరోవైపు భూకంపాలు వణికిస్తున్నాయి. తాజాగా బుధవారం భారీ భూకంపం సంభవించింది. రిక్టరు స్కేలుపై తీవ్రత 6.1గా నమోదైంది. పరాపరౌముకు వాయవ్యంగా 50 కిలోమీటర్ల దూరంలో 76 కిలోమీటర్ల లోతులో భూకంప కేంద్రాన్ని గుర్తించినట్లు అధికారులు తెలిపారు. భూకంపం తర్వాత 15 నిమిషాల్లోనే 31వేల మంది తాము ఉన్న చోట్ల భూమి కంపించినట్లు చెప్పారు. దేశవ్యాప్తంగా 30 సెకన్ల పాటు భూప్రకంపనలు వచ్చినట్లు పేర్కొన్నారు.

అయితే భూకంపం కారణంగా ఏమైనా ఆస్తి నష్టం, ప్రాణనష్టం సంభవించిందా అనే విషయాలపై స్పష్టత లేదు. దీనిపై ఇంకా ఎలాంటి సమాచారం లేదని అధికారులు చెప్పారు.న్యూజిలాండ్‌లో సైక్లోన్ గేబ్రిల్లే తుఫాను కలవరపాటుకు గురిచేస్తోంది.. వివిధ ప్రమాదాల్లో నలుగురు మరణించగా వేలమంది నిరాశ్రయులయ్యారు.

Here's ANI Tweet